ფეხბურთი / ლა ლიგა /
მანგალა: "თავს კარგად ვგრძნობ და იზოლაციაში ვიმყოფები"
03/16/2020 14:09
130
  • გარაი, მანგალა, გაია და ვალენსაის შტაბის ორი წევრი კორონავირუსით დაინფიცირდნენ
  • ისინი იზოლაციაში იმყოფებიან

ვალენსიამ ოფიციალურად დაადასტურა, რომ მათი შტაბის ორ წევრთან ერთად COVID–19–ის ტესტზე დადებითი პასუხი ჰქონდათ გარაის, მანგალას და გაიას. არგენტინელი გახდა ლა ლიგის პირველი ფეხბურთელი, რომელსაც ინფექცია შეეყარა.

ეზეკილ გარაიმ სოციალურ ქსელში დაწერა: "2020 წელი ჩემთვის აშკარად ცუდად დაიწყო. კორონავირუსზე ჩატარებულმა ტესტმა დადებითი პასუხი აჩვენა. თავს კარგად ვგრძნობ და ვასრულებ ყველა იმ დავალებას, რომელიც ექიმებისგან მივიღე".

"მე ჩამიტარდა ტესტი COVID-19–ზე და პასუხი დადებითი იყო. ახლა იზოლაციაში ვიმოფები და თავს კარგად ვგრძნობ. ჩემს ოჯახის წევრებთან კონტაქტი არ მაქვს, რადგან ვზრუნავ მათ უსაფრთხოებაზე.

სიმპტომებს თავი არ გამოუჩენიათ. მკურნალობას ვაგრძელებ და მჯერა, რომ თუ ყველანი ვიგრძნობთ პასუხისმგებლობას და გავითვალისწინებთ რეკომენდაციებს, რომლებსაც შესაბამისი ორგანიზაციები გვაძლევენ, ჩვენ ერთად შევძლებთ ამ ინფექციის შეჩერებას. მოგიწოდებთ ყველას, რომ მაქსიმალურად მოერიდოთ კონტაქტს ადამიანებთან, რათა დაიცვათ როგორც საკუთარი, ასევე მათი ჯანმრთელობა", – აცხადებს ელაკიმ მანგალა.

ევროპაში ყველაზე მეტი დადასტურებული შემთხვევა იტალიაშია, თუმცა მეორე ადგილს ესპანეთი იკავებს, სადაც ვირუსი 7753 ადამიანს დაუდასტურდა. 

ვალენსიას წევრები არ არიან პირველები სპორტული სამყაროს წარმოამდგენლებს შორის, რომლებსაც აღნიშნული ვირუსი დაუდასტურდათ. უფრო ადრე COVID-19 გამოუვლინდა ჰანოვერის მცველ ტიმო ჰუბერს, ასევე არსენალის თავკაც მიკელ არტეტას, იუვენტუსის მცველ დანიელე რუგანის, მანოლო გაბიადინის, ელჩეს ფეხბურთელ ჟონათან დე ჟესუსს და NBA–ში მოასპარეზე კალათბურთელებს, რომელთა შორისაც არიან რუდი გობერი, დონოვან მიჩელი და კრისტიან ვუდი. სპორტული ღონისძიებები კი მთელი მსოფლიოს მაშტაბით შეჩერებულია.

ასევე იხილეთ: მანჩინი პრეზიდენტის აზრს იზიარებს

#Flashscore