ფეხბურთი / სერია ა /
რუგანი: "თავს იღბლიან ადამიანად ვთვლი, სერიოზული სიმპტომები არ მქონია"
03/16/2020 22:08
173
  • დანიელე რუგანი თავს კარგად გრძნობს
  • ფეხბურთელი თვითიზოლაციაშია

ტურინის იუვენტუსისა და იტალიის ეროვნული ნაკრების მცველი დანიელე რუგანი თავს კარგად გრძნობს. ამის შესახებ ფეხბურთელმა თავად ისაუბრა.

შეგახსენებთ, რომ რამდენიმე დღის წინ რუგანის მსოფლიოში გავრცელებული ახალი ვირუსი, COVID-19 დაუდგინდა.

"მინდა, ყველა დავამშვიდო და ვთქვა, რომ ყველაფერი რიგზეა, თავს კარგად ვგრძნობ. სერიოზული სიმპტომები არ მქონია. ეს მძიმე დარტყმა იყო, მაგრამ თავს იღბლიან ადამიანად ვთვლი. ყველაზე მეტად ჩემი ოჯახის წევრები მომენატრნენ. სასტუმროში მარტო ვარ და აქ კიდევ გარკვეული ხნით დარჩენა მომიწევს. თვითიზოლაცია ხანგრძლივი და მოსაწყენია როგორც ჩემთვის, ისე ყველასთვის. ამიტომ როგორც კი აქედან გამოვალ, დროს იმ ადამიანებთან ერთად გავატარებ, ვინც ახლა ძალიან მენატრება", - თქვა რუგანიმ.

კორონავირუსით გარდაცვლილთა რიცხვი სამწუხაროდ ყოველდღიურად იზრდება. ჯანდაცვის საერთაშორისო ორგანიზაციამ რამდენიმე დღის წინ კორონავირუსი პანდემიად გამოაცხადა და მათ ამ დრომდე უჭირთ პოზიტიური პროგნოზის გაკეთება. არავინ იცის, რა დრო დასჭირდება ინფექციის გავრცელების შეჩერებას.

მსოფლიო მაშტაბით შეჩერებულია თითქმის ყველა სპორტული ღონისძიება. სამომავლოდ კი გადადება ემუქრებათ ისეთ მსხვილ ტურნირებს, როგორიცაა ევროპის ჩემპიონატი, კოპა ამერიკა და ტოკიოს ოლიმპიური თამაშებიც, მიუხედავად იმისა, რომ იაპონიის პრემიერ–მინისტრი გამორიცხავს ოლიმპიადის გადადებას, ყველაფერი მაინც ვირუსზეა დამოკიდებული. მაისში საერთაშორისო კომიტეტი უნდა შეიკრიბოს, რათა ამ საკითხზე იმსჯელონ.

დაინფიცირებულთა შორის ასევე არიან სპორტული სამყაროს წარმომადგენლები: მიკელ არტეტა, ელაკიმ მანგალამანოლო გაბიადინი, ტიმო ჰუბერი, ხოსე გაია, ეზეკილ გარაი, ჟონათან დე ჟესუსი, რუდი გობერი, კრისტიან ვუდი, დონოვან მიჩელი.

ესპანეთში სამოყვარულო გუნდის მწვრთნელი კორონავირუსით გარდაიცვალა.

შეგახსენებთ, რომ საქართველოში კორონავირუსის 30 შემთხვევაა დაფიქსირებული.

#Flashscore