ფეხბურთი / ჩემპიონთა ლიგა /
ფეხბურთელები კარანტინში: ოჯახი, ვარჯიში, გართობა ცხოველებთან და სუფთა ხელები
03/17/2020 12:55
353
  • ფეხბურთელები თავს შეძლებისდაგვარად ირთობენ
  • COVID-19-მა მათ ოჯახისთვის დროის გამონახვის შანსი მისცა

მოგეხსენებათ მსოფლიოში COVID-19-ის პანდემია მძვინვარებს, ამის გამო ევროპის თითქმის ყველა ჩემპიონატი შეჩერებულია, ფეხბურთელები კი იძულებით შვებულებაში არიან.

მათ უქმობა მინიმუმ აპრილამდე მოუწევთ და სახლში გატარებული პერიოდის გახალისებას ყველა სხვადასხვაგვარად ცდილობს.

იუვენტუსის ვინგერმა დუგლას კოშტამ ოპონენტი სახლშიც იპოვა, ეს მისი ძაღლია, რომელიც პატრონთან ერთად დროს მშვენივრად ატარებს.

ბარსელონას გერმანელი გოლკიპერი მარკ-ანდრე ტერ შტეგენი თავს მოდუნების უფლებას არ აძლევს და სახლშიც გამალებით მუშაობს.

მადრიდის რეალის კაპიტანი სერხიო რამოსი ბრწყინვალე ფორმაშია, როგორც ჩანს ის სეზონის განახლებას ტონუსში შეხვდება.

დრის მერტენსის ხუმრობანარევი რჩევა: "ცოტა ღვინო ბევრ პრობლემას აგვარებს".

ნეიმარის და მბაპეს წამოწყება #CoronaOut.

 

ლაუტარო მარტინესს ვარჯიშისას შესანიშნავი კომპანიონები ჰყავს.

 

კარანტინი - როცა ოჯახისა და ბავშვებისთვის მეტი დრო გაქვს

ლეო მესი თავისუფალ დროს შვილებს უთმობს.

 

სერხიო რამოსი ვარიშს ოჯახთან ყოფნასაც უთავსებს.

 

ჯორდი ალბამ შვილის მწვრთნელობა შეითავსა.

ისკო, ფედე ვალვერდე და სერხი რობერტო მცირეწლოვან შვილებთან ერთად.

 

კარანტინისას კარგ განწყობას ინარჩუნებენ ალექს ოქსლედ-ჩემბერლენი და მისი მეგობარი გოგონა პერი ედვარდსი.

მატიის დე ლიხტი ტუალეტის ქაღალდით ერთობა და ხალხს სახლში დარჩენისკენ მოუწოდებს.

 

შკოდრან მუსტაფი შვილებთან ერთად არ იწყენს და ხელების ხშირი დაბანისკენ მოგვიწოდებს.

შეგახსენებთ, რომ კორონავირუსის გამო ევროპის წამყვანი ყველა ტურნირი დროებით შეჩერებულია, ოფიციალური მონაცემებით, მსოფლიოში COVID-19-ის 183,114 შემთხვევაა დაფიქსირებული, ხოლო 7,175 პაციენტი გარდაიცვალა. სასიხარულოა, რომ 79,904 ადამიანი გამოჯანმრთელდა.

ასევე იხილეთ: ესპანეთში კორონავირუსით ფეხბურთის მწვრთნელი გარდაიცვალა

#Flashscore