სხვა / ამერიკული ფეხბურთი /
ტომ ბრედი - 20-წლიანი ზღაპრის დასასრული...
03/18/2020 14:13
162

2000 წლის NFL-ის დრაფტზე, ნიუ ინგლანდ პატრიოტსმა მეექვსე რაუნდის 199-ე პიკად არაათლეტური, მაღალი ქუორთერბექი ტომ ედვარდ პატრიკ ბრედი ჯუნიორი აირჩია. ამ გადაწყვეტილებამ ამერიკული საფეხბურთო სამყარო მთლიანად შეცვალა.

უნდა აღინიშნოს, რომ ამავე წელს ცოტა ხნით ადრე, გუნდის მთავარ მწვრთნელად ბილ ბილიჩიკი დაინიშნა, ამ დუეტმა კი ერთად რაც "ჩაიდინა", ქვემოთ მოგიყვებით.

აღსანიშნავია, რომ ბავშვობაში ტომის საყვარელ მოთამაშედ, სან ფრენცისკო ფორთი ნაინერსის ლეგენდარული ქუორთერბექი ჯო მონტანა იყო. ტომ ბრედი უფროსის განცხადებით, შვილი ყოველთვის ოცნებობდა ჯოსთვის მიებაძა და ყოფილიყო ისეთივე გამორჩეული, როგორც ის იყო.

სწორედ ეს კალიფორნიული გუნდი იყო ტომის არჩევის ერთ-ერთი მთავარი პრეტენდენტი, რომელიც თავისთვის ქუორთერბექს ეძებდა. გუნდის მაშინდელი მწვრთნელი სტივ მარიუჩის განცხადებით, როცა ახალგაზრდა ნახეს, ყოველგვარ მოლოდინს გადააჭარბა.

Image result for tom brady draft photo

"ის იყო მაღალი, არაათლეტური ბიჭი, რომელიც NFL Scouting Combine-ზე ყველაზე ნელი ქუორთერბექი იყო. ფიქრობთ, გავოცდით მისი ბურთის სროლის ტექნიკით? არა! იქ იყვნენ ბიჭები, რომლებიც ამას მასზე ბევრად კარგად აკეთებდნენ."

სად იმალებოდა მისი გენიალურობა?! რა ვერ დაინახა ძალიან ბევრმა გამოცდილმა სკაუტმა, სად გაეპარათ მათ ის რაღაც, რაც კლივლენდ ბრაუნსისგან გაგდებულმა ბილ ბილიჩიკმა შეამჩნია?

ფორთი ნაინერსმა მესამე რაუნდის 65-ე პიკად ჯოვანი კარმაზი აირჩია, რომლის შესახებაც გულშემატკივრებს ამის შემდეგ ბევრი არაფერი სმენიათ.

ტომ ბრედი უფროსის განცხადებით, მათ 25 წლის მანძილზე ამ გუნდის სეზონური აბონიმენტი ჰქონდათ და ამ გადაწყვეტილებამ მათ გული ძალიან დაწყვიტა.

ნიუ ინგლენდის მფლობელი, ტომ კრაფტი იხსენებს, რომ ბილიჩიკი გაოცებული ამბობდა: "ვაუ ტომ ბრედი ისევ სიაშია, ჩვენ შეგვიძლია ეს გამოვიყენოთ".

აღსანიშნავია, რომ 2000 წლის დრაფტზე ბრედიმდე არჩეული 5 მოთამაშიდან, პეტრიოტსში არც ერთმა გაამართლა, თუმცა ბილიჩიკი არ შეცდა და როგორც დასაწყისში აღვნიშნეთ, გუნდმა ტომი 199-ე პიკად აირჩია.

აქედან დაიწყო არაათლეტური აღნაგობის ბიჭის მიჩიგანის უნივერსიტეტიდან და ლიგის ყველაზე ცუდი გუნდიდან გაგდებული მწვრთნელის თანამშრომლობა, რამაც NFL-ის ყველა დროის საუკეთესო გუნდის მშენებლობას ჩაუყარა საფუძველი. ბილმა დაინახა ის, რაც ვერავინ შეამჩნია, მან ბიჭს შეუქმნა ის სისტემა, რომლითაც მისი პოტენციალის ბოლომდე გამოვლენა მოახერხა.

2001 წელს ტომი პრო ბოულზე (NFL-ის ყველა ვარსკვლავის მატჩი) მოხვდა, 2002 წელს კი პირველი "სუპერ ბოული" მოიგო, რასაც კიდევ 5 დაუმატა და გახდა პროფესიონალური ფეხბურთის ისტორიაში ყველაზე ტიტულოვანი მოთამაშე.

მის კარიერაში ყველაზე დრამატული, ატლანტა ფალკონსთან გამართული სუპერ ბოული იყო. ტომმა და მისმა გუნდმა მეტოქეს 25 ქულიანი "ქამბექი" დაუდო, რაც NFL-ის ისტორიაში ყველაზე დრამატულ ფინალად შეფასდა.

მან ბოსტონურ გუნდთან ერთად, როგორც ვთქვით, 6 ბეჭედი მოიგო, 4-ში ის ფინალის საუკეთესო მოთამაშედ დაასახელეს, 3-ჯერ სეზონის ყველაზე ძვირფასი მოთამაშე გახდა და კიდევ უამრავი პირადი თუ გუნდური ტიტული. ბევრი გულშემატკივრის და სპეციალისტის აზრით, ის ფეხბურთის ყველა დროის საუკეთესო მოთამაშეა, ბეჭდების რაოდენობის გათვალისწინებით კი პარალელს მაიკლ ჯორდანთანაც ავლებენ.

Image result for tom brady and michael jordan

რამდენიმე დღის წინ გავრცელებული ინფორამაცია კი ყველასთვის შოკისმომგვრელი აღმოჩნდა, ტომ ბრედიმ საკმაოდ ვრცელი წერილი გამოაქვეყნა, სადაც ის პატრიოტსს მადლობას უხდის და ემშვიდობება, თუმცა კარიერის დასრულებას კვლავ არ აპირებს.

საინტერესოა, რომ ბრედის დამატების ყველაზე დიდი შანსი ტამპა ბეი ბაქანიერსს აქვს, რომელიც მასთან ერთწლიან კონტრაქტს გააფორმებს და 30 მილიონ დოლარსაც მიიღებს. აღსანიშნავია, რომ ეს გუნდი ე.წ. "დიდი მარკეტის" გუნდებს არ წარმოადგენს და 42 წლის სუპერვარსკვლავის დამატება მათთვის შეიძლება გადამწყვეტი აღმოჩნდეს.

"მიყვარხართ პატრიოტების ნაციავ", - ასე დაემშვიდობა ტომი გუნდს, რომელთან ერთადაც შექმნა ისტორია, ამის გამეორება კი ყველასთვის რთული იქნება.

Image result for tom brady draft photo bill bilichicl

დასრულდა ბილიჩიკთან კოლაბორაციის 20 წელი, რაც ბევრისთვის რთულად აღსაქმელია, თუმცა ეს გვახსენებს, რომ სპორტში ყველაფერს აქვს დასასრული...

შეგახსენებთ, რომ კორონავირუსის გამო ამერიკის შეერთებულ შტატებში ყველა სპორტული აქტივობა დროებით შეჩერებულია, ამ დროის ოფიციალური მონაცემებით, ქვეყანაში COVID-19-ის 59,966 შემთხვევაა დაფიქსირებული, 792 პაციენტი გარდაიცვალა, ხოლო 379-მა ადამიანმა კი ვირუსი დაამარცხა.

 

ასევე იხილეთ: VIDEO | ლეგენდარული ტომ ბრედი - კარიერის ტოპ 10 მომენტი

 
#Flashscore