სხვა / კრივი /
ენტონი ჯოშუა VS კუბრატ პულევი | ბრძოლის თარიღი იცვლება
03/18/2020 16:05
131
  • კორონავირუსი პრობლემებს კრივსაც უქმნის
  • ჯოშუა – პულევის ბრძოლის თარიღი დიდი ალბათობით შეიცვლება

უკვე ყველასთვის ცნობილია, რომ სუპერმძიმე კატეგორიაში ოთხი ვერსიით (WBA, IBF, WBO, IBO) მსოფლიო ჩემპიონ ენტონი ჯოშუას მიმდინარე წლის 20 ივნისს ბრძოლა უნდა გაემართა კუბრატ პულევის წინააღმდეგ.

ბულგარელი IBF–ის მანდატის მფლობელია და ამ დაპირისპირებაში სწორედ აღნიშნული სტატუსით უნდა წარდგეს. კუბრატ პულევისთვის ეს იქნება რიგით 30–ე მატჩი. მას ამ დრომდე მხოლოდ ერთი ბრძოლა აქვს წაგებული. მისი დამარცხება ვლადიმერ კლიჩკომ შეძლო. 

სამწუხაროდ მსოფლიოს დღისწესრიგი მთლიანად შეცვალა კორონავირუსმა, რომლის გამოც მსოფლიოს მაშტაბით გადადებულია ან გაუქმებულია თითქმის ყველა სპორტული ღონისძიება. გასაკვირი არაა, რომ COVID–19–ის გამო, პრობლემა ჯოშუა – პულევის ბრძოლასაც ექმნება და როგორც ირკვევა, დიდი ალბათობით თარიღი შეიცვლება.

"სამწუხაროდ, კორონავირუსი ყოველდღიურად აგრძელებს გავრცელებას. განსაკუთრებით დიდი საფრთხის წინაშე ახლა ევროპა დგას. აქედან გამომდინარე არ გამოვრიცხავთ, რომ ჯოშუასა და პულევის ბრძოლის თარიღმა ივლისამდე გადაიწიოს", – განაცხადა ბრიტანელი მოკრივის პრომოუტერმა ედი ჰირნმა.

აქამდე დაგეგმილი იყო, რომ შოუ ლონდონში, ტოტენჰემის სტადიონზე 2020 წლის 20 ივნისს უნდა გამართულიყო. აღსანიშნავია, რომ ახლო მომავალში ენტონის წინააღმდეგ ბრძოლა სურს მის თანამემამულე ტაისონ ფიურისაც, რომელმაც ახლახანს დაამარცხა დეონტეი უაილდერი და უკვე გაირკვა, რომ ამერიკელთან მესამე მატჩსაც გამართავს, რის შემდეგაც მანჩესტერელ ბოშას სწორედ ჯოშუასთან სურს დაპირისპირება.

COVID-19–ის წინააღმდეგ უკვე მსოფლიოს მაშტაბით 150–ზე მეტი ქვეყანა იბრძვის. ჯანდაცვის საერთაშორისო ორგანიზაციამ ვირუსი უკვე გამოაცხადა პანდემიად. გარდაცვლილთა და დაინფიცირებულთა რიცხვი ყოველდღიურად იზრდება. გუშინ ოფიციალურად გახდა ცნობილი, რომ გადაიდო ისეთი მსხვილი ტურნირი, როგორიცაა ევრო 2020. ამ უდიდესი საფეხბურთო ტურნირის გადაწევა "მკვლელი ვირუსის" გამო ერთი წლით მოხდა. 

ასევე ყოველდღიურად სულ უფრო მეტი ინფორმაცია ვრცელდება დაინფიცირებულ სპორტსმენებთან დაკავშირებითაც, რომელთა შორისაც არიან: მიკელ არტეტა, ელაკიმ მანგალამანოლო გაბიადინი, ტიმო ჰუბერი, ხოსე გაია, ეზეკილ გარაი, ჟონათან დე ჟესუსი, რუდი გობერი, კრისტიან ვუდი, დონოვან მიჩელი, კევინ დურანტი, მატიას ძაკანი, ს.კ ჰერტამ ასევე დაადასტურა, რომ მის ერთ–ერთ ფეხბურთელს ვირუსი დაუდგინდა, თუმცა მისი ვინაობა ჯერჯერობით არ დაუსახელებია. ესპანეთში სამოყვარულო გუნდის მწვრთნელი კორონავირუსით გარდაიცვალა.

ასევე იხილეთ: 58 წლის ასაკში როჯერ მეივეზერი გარდაიცვალა

 

 

#Flashscore