ქართული სპორტი / ქართული რაგბი /
მამუკა გორგოძის მორიგი აღიარება !
03/21/2020 21:55
7991
  • მამუკა გორგოძე საუკეთესოთა შორის კიდევ ერთხელ აღიარეს
  • ჩვენებური ULTIMATE RUGBY–მ გამოარჩია

ზემოთხსენებულმა გამოცემამ შეადგინა საუკეთესო თხუთმეტეული, რომელიც დაკომპლექტებულია იმ მორაგბეებისგან, რომლებმაც 2019 წლის მსოფლიო თასის შემდეგ სანაკრებო კარიერა დაასრულეს.

ქართველი გულშემატკივრისთვის ალბათ მოულოდნელი სულაც არაა ის ფაქტი, რომ ამ სიმბოლურ გუნდში საქართველოს ნაკრების ყოფილი კაპიტანი, ლეგენდარული მამუკა გორგოძე მოხვდა, რომელიც მეორე ხაზში განამწესეს.

"ტურნირის დაწყებამდე ის უკვე პენსიაზე იყო გასული, თუმცა მსოფლიო თასზე მაინც გადაწყვიტა დაბრუნება და ეროვნული ნაკრების დახმარება. მას შემდეგ, რაც მისი გუნდი გათამაშებას გამოეთიშა, ის ნაკრებიდან საბოლოოდ წავიდა. გორგოძემ თავის ნაკრებს თხოვნაზე უარი არ უთხრა და "ბორჯღალოსნებმა" მათი ყველა დროის ერთ–ერთი საუკეთესო მოთამაშე დაიმატეს.

იაპონიაში მამუკამ სანაკრებო მატჩების რაოდენობა 75–ამდე გაზარდა. გულშემატკივრები მის შესანიშნავ თამაშებს 2003–დან 2019 წლამდე დიდი სიყვარულით იხსენებენ. მან თავი განსაკუთრებით 2011 და 2015 წლის მსოფლიო თასებზე დაგვამახსოვრა. ის ამ თამაშის ნამდვილი სიმბოლოა", – ნათქვამია მამუკა გორგოძის შესახებ.

საუკეთესო თხუთმეტეული კი ასე გამოიყურება

1.ტენდაი მტავარირა (სამხრეთ აფრიკა), 2.რორი ბესტი (ირლანდია), 3.სეკოპე კეპუ (ავსტრალია), 4.მამუკა გორგოძე (საქართველო), 5.სებასტიენ ვამაჰინა (საფრანგეთი), 6.ჯონ ბარკლი (შოტლანდია), 7.დევიდ პოქოქი (ავსტრალია), 8.ლუი პიკამოლი (საფრანგეთი), 9.უილ გენია (ავსტრალია), 10.კრისტიან ლეალიიფანო (ავსტრალია), 11.კენკი ფუკუოკა (იაპონია), 12.სონი ბილ უილიამსი (ახალი ზელანდია), 13.რაიან კროტი (ახალი ზელანდია), 14.დითიეიჩ ვან დერ მერვე (კანადა), 15.ბენ სმიტი (ახალი ზელანდია).

ასევე იხილეთ: ქართველები ტალანტებში | ვინ შეცვლის გორგოძეს?!

 

#Flashscore