ფეხბურთი / პრემიერლიგა /
ანჩელოტი კალეხონს ევერტონში ეპატიჟება
03/21/2020 23:13
122
  • 33 წლის ესპანელ შემტევს ნაპოლისთან კონტრაქტი ეწურება
  • ანჩელოტი მას ევერტონში ეპატიჟება

ხოსე მარია კალეხონი ნაპოლის მადრიდის რეალიდან 2013 წელს შეუერთდა. მაშინ იტალიელებს მისი ტრანსფერი 9,5 მილიონი დაუჯდათ. არსებული კონტრაქტის თანახმად, მიმდინარე წლის ზაფხულში ფეხბურთელი თავისუფალი აგენტი უნდა გახდეს.

კლუბის პრეზიდენტი, აურელიო დე ლაურენტისი იმედოვნებს, რომ კალეხონთან მოლაპარაკებები წარმატებით დასრულდება და კონტრაქტის გახანგრძლივება მოხდება. 

FOOTBALL-ESPANA–ს ცნობით, ნაპოლის ყოფილი თავკაცი, კარლო ანჩელოტი, რომელიც ახლა ევერტონის მთავარ მწვრთნელად მუშაობს პირადადაა დაინტერესებული, რომ ესპანელი მერსისაიდულ კლუბში იხილოს.

პრემიერ ლიგიდან კალეხონის დამატების სურვილს მხოლოდ ევერტონი არ გამოთქვამს. ასტონ ვილა მზადაა, რომ ფეხბურთელისთვის ბრძოლაში ჩაერთოს. კალეხონს მსურველები ლა ლიგიდანაც ჰყავს ვალენსიისა და ესპანიოლის სახით. შესაბამისად მოთამაშეს ხუთი სხვადასხვა ვარიანტი უკვე აქვს. გაახანგრძლივოს კონტრაქტი ამჟამინდელ კლუბთან ან არჩევანი გააკეთოს ინგლისურ და ესპანურ გუნდებს შორის.

იმ შემთხვევაში თუ ნაპოლისთან კონტრაქტის გახანგრძლივება არ მოხდება, მიიჩნევა, რომ მთავარი ფავორიტი ევერტონი იქნება და ამ ყველაფერს კარლო ანჩელოტის ფაქტორი განაპირობებს, რომელსაც კალეხონთან კარგი ურთიერთბა ჰქონდა.

ასევე იხილეთ: ევერტონმა ანჩელოტის პირველი მოთხოვნა შეასრულა - ინგლისელი "კანფეტებში" რჩება

#Flashscore