რაგბი / 6 ერი /
იტალიელი მორაგბე, რომელიც სამედიცინო დახმარების მძღოლი გახდა
03/22/2020 11:34
160
  • მაქსიმ მბანდა ქვეყნის სამსახურშია
  • იტალიელი მორაგბე სამედიცინო დახმარების მძღოლად მუშაობს

ყველასათვის კარგადაა ცნობილი, რომ კორონავირუსი, რომელმაც თავდაპირველად ჩინეთში იფეთქა, ახლა ევროპაში მძვინვარებს. ამ კონტინენტზე მან აბსოლუტურად ყველა ქვეყანაში შეაღწია.

ყველაზე რთული ვითარება იტალიაშია, სადაც საყოველთაო კარანტინი გამოაცხადეს. გარდაცვლილთა და დაინფიცირებულთა რიცხვი ყოველდღიურად იზრდება. იტალიაში ბოლო მონაცემებით 53,578 დადასტურებული შემთხვევა გამოვლინდა. გარდაცვლილთა რიცხვმა 4,825–ს მიაღწია, ხოლო 6,072 პაციენტი გამოჯანმრთელდა.

იმ ფონზე, როცა მსოფლიოს მაშტაბით პრაქტიკულად ყველა სპორტული ღონისძიება გაუქმებულია, მათ შორის ექვსი ერის ტურნირიც, სადაც იტალიის ნაკრებს ინგლისთან უნდა ეთამაშა, სპორტსმენები საყოველთაო კარანტინში იმყოფებიან, თუმცა მაქსიმ მბანდამ გადაწყვიტა, რომ სამშობლოს COVID–19–თან ბრძოლაში დახმარებოდა და იზოლაციაში ყოფნაზე უარი თქვა.

 

#Flashscore