ფეხბურთი / ლა ლიგა /
ბარსელონა გრიზმანს გაყიდის
03/22/2020 15:26
173
  • კორონავირუსით გამოწვეული ფინანსური კრიზისი ბარსელონაში
  • კატალონიელები გრიზმანის გაყიდვას გეგმავენ

კატალონიის ბარსელონაში კორონავირუსის პანდემიის გამო გამოწვეულ ფინანსურ ზარალის ფეხბურთელების გაყიდვით აინაზღაურებენ.

გამოცემა AS-ის ცნობით, "ბლაუგრანა" მზადაა ზაფხულის სატრანსფერო პერიოდში ანტუან გრიზმანს შეელიოს. ფრანგი შემტევი ესპანეთის ჩემპიონებს გასულ წელს, მადრიდის ატლეტიკოდან 120 მილიონი ევროს სანაცვლოდ შეუერთა. თუმცა ახლა ბარსელონა მის გაშვებას 100 მილიონ ევროდ აპირებს. გარდა ამისა გამონთავისუფლდება სახელფასი ჭერი, რომელსაც ფეხბურთელი წლიური ანაზღაურების სახით 17 მილიონს იღებს.

გამომუშავებული თანხით კი "ლურჯ-ბროწეულისფრები" მილანის ინტერიდან ლაუტარო მარტინესის შეძენას შეეცდებიან, რომელიც კატალონიელთა მთავარი სატრანსფერო სამიზნეა.

ასევე, ვრცელდება ინფორმაცია, რომ ბარსელონა მიუნხენის ბაიერნიდან ფილიპე კოუტინიოს დაიბრუნებს, შემდეგ კი ბრაზილიელს ან გაყიდის, ან ისევ გაანათხოვრებს გამოსყიდვის ვალდებულებით.

ლა ლიგის მიმდინარე სეზონში, რომელიც ამჟამად კორონავირუსის გამოა შეჩერებული, ანტუან გრიზმანმა 26 მატჩში თავი 8 გატანილი გოლითა და 5 შედეგიანი გადაცემით გამოიჩინა.

 

ასევე იხილეთ: ლა ლიგის მატჩები ყოველ მეორე დღეს...

 

 

#Flashscore