ფეხბურთი / პრემიერლიგა /
არტეტა: "კარგად ვარ, სიმპტომების მოსაშორებლად 3-4 დღე დამჭირდა"
03/23/2020 16:38
87
  • მიკელ არტეტამ თავის ჯანმრთელობაზე ისაუბრა
  • ესპანელის თქმით, ის თავს კარგად გრძნობს

რამდენიმე დღის წინ ლონდონის არსენალის მთავარ მწვრთნელს, მიკელ არტეტას კორონავირუსი დაუდგინდა

მას შემდეგ, რაც გაირკვა, რომ ესპანელი აღნიშნული ვირუსით დაინფიცირდა, ლონდონურმა კლუბმა საწვრთნელი ბაზა დაკეტა და ყველა, ვინც მასთან კონტაქტში იყო, მკაცრ კონტროლში აიყვანა.

დღეს არსენალის მთავარმა მწვრნელმა მის ჯანმრთელობაზე ისაუბრა.

"ახლა თავს კარგად ვგრძნობ. სიმპტომების მოსაშორებლად სამი თუ ოთხი დღე დამჭირდა. ბევრად უკეთ ვარ, მეტად ენერგიული...

ყველაფერი ძალიან სწრაფად მოხდა. სამშაბათს თავი შეუძლოდ ვიგრძენი და ექიმთან მივედი, მაგრამ ის ადგილზე არ დამხვდა. იმავე დღეს ვარჯიშის შემდეგ კლუბიდან დამიკავშირდნენ და მითხრეს, რომ ოლიმპიაკოსის პრეზიდენტს კორონავირუსი დაუდგინდა და რომ ყველა, ვისაც მასთან კონტაქტი ჰქონდა, ახლა საფრთხეშია.

მოვუყევი, რომ ვერ ვიყავი კარგად. მეორე დღეს მანჩესტერ სიტისთან თამაში გვქონდა და ცხადი იყო, რომ ადამიანების ჯანმრთელობას საფრთხის ქვეშ ვერ დავეყენებდით. ოთხშაბათს ტესტი ჩავაბარე, პარასკევს დიაგნოზი დამიდგინეს და ამის შესახებ პრემიერლიგა საქმის კურსში ჩავაყენეთ", - თქვა არტეტამ.

ასევე იხილეთ: არსენალი არტეტაზე...

#Flashscore