ჩოგბურთი / ATP /
კრისტიან გარინმა მასტერსის ვირტუალურ ჩემპიონატში იმარჯვა
03/23/2020 21:54
146
  • ATP-მ მასტერსის ვირტუალური ფორმით ჩატარება გადაწყვიტა
  • ჯოკოვიჩი ფინალში დამარცხდა

კორონავირუსის გავრცელებამ დღის წესრიგი ყველას და ყველაფერს შეუცვალა. მსოფლიოს მაშტაბით გადაიდო უამრავი სპორტული ღონისძიება. მათ შორის ისეთი მსხვილი ტურნირები, როგორიცაა მაგალითად ფეხბურთში ევროპის ჩემპიონატი და კოპა ამერიკა. ორივე მათგანი ამა წლის ზაფხულში უნდა გამართულიყო, თუმცა შექმნილი ვითარებიდან გამომდინარე ისინი 2021 წლამდე გადაიდო.

რაც შეეხება საჩოგბურთო სამყაროს, თავდაპირველად ცნობილი გახდა, რომ ინდიან უელსი გაუქმდა. შემდეგ მაიამის მასტერსი. გადაიდო როლანდ გაროსიც, თუმცა უიმბლდონის ორგანიზატორებმა გაავრცელეს განცხადება, სადაც ნათქვამი იყო, რომ ისინი აგრძელებდნენ მოსამზადებელ სამუშაოებს.

ATP-მ მასტერსის ვირტუალური ფორმით ჩატარება გადაწყვიტა. Tennis TV-ის ტვიტერზე რამდენიმე გამოკითხვა დაიდო და გულშემატკივარს კონკრეტული მატჩების გამარჯვებულები უნდა გამოევლინა.

ფინალში მსოფლიოს პირველი ჩოგანი ნოვაკ ჯოკოვიჩი და ჩილელი კრისტიან გარინი გავიდნენ. ფინალში გარინმა ჯოკოვიჩი 6:3, 6:3 დაამარცხა და მასტერსის ვირტუალური ჩემპიონატის გამარჯვებული გახდა.

ასევე იხილეთ: ATP & WTA - ერთობლივი გადაწყვეტილება მიღებულია !

#Flashscore