ფეხბურთი / მსოფლიო ფეხბურთი /
გალათასარაის მწვრთნელს COVID-19 დაუდგინდა
03/24/2020 16:36
124
  • ფათიჰ თერიმს კორონავირუსი დაუდგინდა
  • COVID-19 ცოტა ხნის წინ, გალათასარაის ვიცე-პრეზიდენტსაც დაუდასტურდა

გალათასარაის მთავარ მწვრთნელს, ფათიჰ თერიმს კორონავირუსი დაუდგინდა. ინფორმაცია 66 წლის სპეციალისტმა Twitter-ის საკუთარ გვერდზე დაადასტურა:

"კორონავირუსზე ჩატარებული დღევანდელი ტესტი, დადებითი აღმოჩნდა. საავადმყოფოში საიმედო ხელში ვარ და სანერვიულოც არაფერია", - ვკითხულობთ თურქი მწვრთნელის Twitter-ის პოსტში.

ფათიჰ თერიმის სამწვრთნელო კარიერა, უმეტესწილად გალათასარაისა და თურქეთის ნაკრებს უკავშირდება. სტამბოლურ კლუბს კი ის ოთხჯერ ჩაუდგა სათავეში და ამჟამადაც გალას მთავრი მწვრთნელია. თერიმი 2000-იანი წლების დასაწყისში, მილანსა და ფიორენტინასაც წვრთნიდა.

ცნობისთვის, ოფიციალური მონაცემებით, თურქეთში COVID-19-ის დაახლოებით 1526 შემთხვევა დაფიქსირდა. ინფიცირებულთაგან კი 37 ადამიანი გარდაიცვალა.

 

ასევე იხილეთ: გალათასარაის ვიცე-პრეზიდენტს კორონავირუსი დაუდასტურდა

#Flashscore