ფეხბურთი / ჩემპიონთა ლიგა /
"ვარსკვლავების სამჭედლო" - სახელად ლე ავრი...
03/24/2020 17:02
295
  • პატარა გუნდი, რომელიც მსოფლიოს ვარსკვლავებს ჩუქნის
  • პოლ პოგბადან ჟან-ალენ ბუმსონგამდე

ლე ავრი ფრანგული საზომებითაც კი, საშუალო გაქანების კლუბების რიგებს არ მიეკუთვნება. ნორმანებმა ბოლო ჩემპიონობა ერთ საუკუნეზე მეტი ხნის წინ, 1919 წელს მოიპოვეს, ხოლო უკანასკნელი 14 სეზონიდან 13, ლიგა 2-ში გაატარა.

თუმცა უნდა აღინიშნოს, რომ ამ გუნდს შესანიშნავი სისტემა აქვს, რომელიც ახალგაზრდა ფეხბურთელებს მომავლის კარს ფართოდ უღებს. წარმოგიდგენთ 10 ვარსკვლავს, რომელმაც ლე ავრის აკადემია გამოიარა.

 

პოლ პოგბა

 

2007 - 2009

ის ირიცხებოდა ლე ავრის აკადემიაში - 16 წლის ასაკში გადავიდა მანჩესტერ იუნაიტედში

დღეს თამაშობს მანჩესტერ იუნაიტედში, 27 წლის - არის ოთხ გზის იტალიის ჩემპიონი, 2018 წლის მსოფლიო ჩემპიონი.

 

რიად მაჰრეზი

 

2010 - 2014

ლე ავრის პირველ და მეორე გუნდებში ითამაშა 120 მატჩი და გაიტანა 30 გოლი - 2014 წელს გადავიდა ლესტერში

დღეს თამაშობს მანჩესტერ სიტიში, 29 წლის - არის ორგზის ინგლისის ჩემპიონი, 2019 წლის აფრიკის ჩემპიონი, 2015/16 წლების სეზონის საუკეთესო მოთამაშე.

 

ბენჟამინ მენდი

 

2007 - 2013

13 წლის ასაკში მოხვდა აკადემიაში, ხოლო 17 წლისამ გააფორმა პირველი პროფესიონალური კონტრაქტი, ითამაშა 57 თამაში - 2013 წელს გადავიდა მარსელის ოლიმპიკში.

დღეს თამაშობს მანჩესტერ სიტიში, 25 წლის - არის საფრანგეთის ჩემპიონი, ორ გზის ინგლისის ჩემპიონი, 2018 წლის მსოფლიო ჩემპიონი.

 

ფერლან მენდი

 

2013 - 2017

ითამაშა ახალგაზრდულ და ძირითად გუნდებში 47 მატჩი, გაიტანა 2 გოლი - 2017 წელს გადავიდა ლიონში.

დღეს თამაშობს მადრიდის რეალში, 24 წლის - ორჯერ ზედიზედ მოხვდა საფრანგეთის ლიგა 1-ის სეზონის სიმბოლურ გუნდში, 2019 წლის ზაფხულში რეალმა 48 მილიონ ევროდ შეიძინა.

 

დიმიტრი პაიე

 

1999 - 2003

ითამაშა ახალგაზრდულ გუნდში, მოუვიდა კონფლიქტი მწვრთნელთან - 2003 წელს წავიდა ნიდერლანდურ ექსელსიორში.

დღეს თამაშობს მარსელის ოლიმპიკში (ვიცე-კაპიტანი), 32 წლის - არის 2016 წლის ევროპის ჩემპიონატის ფინალისტი, 2015/16 წლების სეზონის პრემიერ ლიგის წლის სიმბოლური გუნდის წევრი.

 

სტივ მანდანდა

 

2000 - 2008

15 წლის ასაკიდან გუნდის სრულფასოვანი წევრი, ჩაატარა 72 თამაში - 2007 წელს მარსელის ოლიმპიკმა ინათხოვრა და შემდეგ გამოისყიდა.

დღეს თამაშობს მარსელის ოლიმპიკში (კაპიტანი), 34 წლის - არის 2018 წლის მსოფლიო ჩემპიონი, საფრანგეთის ჩემპიონი და მარსელის ოლიმპიკის ლეგენდა.

 

ლასანა დიარა

 

2003 - 2005

გუნდში ჩაატარა 29 თამაში - 2005 წელს კი რომან აბრამოვიჩის ვარსკვლავურ ჩელსიში გადავიდა

გასულ წელს კარიერა დაასრულა, 35 წლის - არის ინგლისის ჩემპიონი, საფრანგეთის ჩემპიონი, ესპანეთის ჩემპიონი, საფრანგეთის ნაკრების წევრი.

 

გიომ ოარო

 

2003 - 2008

მისი პირველი პროფესიონალური გუნდი კარიერაში, ჩაატარა 88 თამაში და გაიტანა 35 გოლი - 2008 წელს გადავიდა პსჟ-ში.

დღეს თამაშობს იანგ ბოიზში, 36 წლის - არის საფრანგეთის ჩემპიონი, შვეიცარიის ჩემპიონი, შვეიცარიის ჩეპიონატის 2018/19 წლების სეზონის საუკეთესო ბომბარდირი, საფრანგეთის ნაკრების წევრი.

 

ფლორან სინამა-პონგოლი

 

1995 - 2003

არის კლუბის აღზრდილი. ძირითად შემადგენლობაში ჩაატარა 42 მატჩი და გაიტანა 7 გოლი - 2001 წელს ლივერპულმა შეიძინა, თუმცა 2 სეზონი გუნდში დატოვა.

გასულ წელს კარიერა დაასრულა, 35 წლის - არის ჩემპიონთა ლიგის გამარჯვებული, რუსეთის თასის მფლობელი.

 

ჟან-ალენ ბუმსონგი

 

1997 - 2000

მისი პირველი პროფესიონალური გუნდი კარიერაში. მის შემადგენლობაში ჩაატარა 41 მატჩი და გაიტანა 1 გოლი - 2000 წელს გადავიდა ოსერში.

კარიერა დაასრულა 2013 წელს, 40 წლის - არის საფრანგეთის ჩემპიონი, შოტლანდიის ჩემპიონი, საფრანგეთის ნაკრების წევრი.

შეგახსენებთ, რომ კორონავირუსის გამო ევროპის წამყვანი ყველა ტურნირი დროებით შეჩერებულია, ოფიციალური მონაცემებით, მსოფლიოში COVID-19-ის 392 962 შემთხვევაა დაფიქსირებული, ხოლო 17 154 პაციენტი გარდაიცვალა. სასიხარულოა, რომ 103 415 ადამიანი გამოჯანმრთელდა.

ასევე იხილეთ: "თამაშგარეში დაბადებული"

#Flashscore