კალათბურთი / ნაკრებები /
პოპოვიჩი აშშ-ს ნაკრებს არ დატოვებს
03/25/2020 10:40
82
  • პოპოვიჩი და კოლანჯელო აშშ-ს ნაკრებს არ დატოვებენ
  • "ვირუსი გაივლის და ყველაფერი წესრიგში ჩადგება"

საერთაშორისო ოლიმპიურმა კომიტეტმა გუშინ ოფიციალურად გამოაცხადა, რომ კორონავირუსის პანდემიის გამო, 2020 წლის ტოკიოს ზაფხულის ოლიმპიური თამაშები ერთი წლით დაგაიდო და 2021 წელს ჩატარდება.

ამერიკის შეერთებული შტატების ეროვნული საკალათბურთო ნაკრების მენეჯერი ჯერი კოლანჯელო და მთავარი მწვრთნელი, გრეგ პოპოვიჩი, რომელთაც 2020 წლის ოლიმპიური თამაშების შემდეგ, ნაკრების დატოვება შეეძლოთ, განაცხადეს, რომ გუნდს არ მიატოვებენ და მუშაობას 2021 წლის ოლიმპიადის ჩათვლით გააგრძელებენ.

"ყველა ის ვალდებულება, რომელიც 2020 წლისთვის გვქონდა აღებული, ძალაში რჩება. ჩვენ დავრჩებით გუნდში. ვირუსი მალე ჩაივლის და ყველაფერი წესრიგში ჩადგება", - განაცხადა კოლანჯელომ.

შეგახსენებთ, რომ გრეგ პოპოვიჩი ასევე, 1996 წლიდან სან ანტონიო სპურსის მთავარი მწვრთნელია, რომელთან ერთადაც NBA-ს ჩემპიონის ტიტული მოგება 5-ჯერ მოახერხა.

ასევე იხილეთ: VIDEO | NBA - "დამამცირებელი" მომენტები 

#Flashscore