კალათბურთი / ნაკრებები /
ევრობასკეტი 2022 წელს?! - ბერძნული მედია ამ ვარიანტს უკვე განიხილავს
03/25/2020 10:55
127
  • პანდემიამ საფრთხე ევრობასკეტსაც შეუქმნა
  • ოლიმპიადის გადადება ავტომატურად ევრობასკეტსაც გადადებს?!

როგორც მოგეხსენებათ, ცოტა ხნის წინ კორონავირუსის პანდემიის გამო ოლიმპიადა, რომელიც 2020 წელს იაპონიაში უნდა ჩატარებულიყო, მომდევნო წლისთვის გადაიდო.

ბერძნული sport24-ის ინფორმაციით ამის გამო, EUROBASKET 2021, რომელიც 2 სექტემბრიდან 19 სექტემბრიც ჩათვლით უნდა ჩატარდეს შესაძლოა ერთი წლით გადაიდოს.

თავიდან განიხილებოდა სცენარი, რომლის მიხედვითაც ევრობასკეტი ოლიმპიადის ერთგვარი მოსამზადებელი ტურნირი უნდა გამხდარიყო, თუმცა რადგან შესარჩევებიც შეჩერებულია, ამის გაკეთება ფაქტობრივად შეუძლებელია.

მოგეხსენებათ, FIBA-ს მსოფლიოს ჩემპიონატი, რომელიც ინდონეზიაში, ფილიპინებსა და იაპონიაში უნდა ჩატარდეს,  2023 წელს აქვს დაგეგმილი, ასე რომ 2022 წელი თავისუფალია.

შეიძლება ევრობასკეტის გადადებაზე საუბარი ცოტა ნაადრევია, თუმცა მისი გადადების ალბათობა საკმაოდ მაღალია და სავარაუდოდ ასეც მოხდება.

ამის ფონზე სასიამოვნოა, რომ საქართველოს კალათბურთის ფედერაციაში Croco.ge-ს დაუდასტურეს, რომ საკალათბურთო დარბაზის მშენებლობა გრძელდება და ის 2021 წლისთვის მზად იქნება.

შეგახსენებთ, რომ კორონავირუსისს გამო თითქმის ყველა ლიგა შეჩერებულია, ამ დროის ოფიციალური მონაცემებით, მსოფლიოში COVID-19-ის 422,913 შემთხვევაა დაფიქსირებული, 18,905 პაციენტი გარდაიცვალა, ხოლო 109,143-მა კი ადამიანმა ვირუსი დაამარცხა.

ასევე იხილეთ: თბილისში ევრობასკეტ 2021-ის დარბაზის მშენებლობა გრძელდება

#Flashscore