კალათბურთი / NBA /
ვან განდი: "გამიკვირდება, თუ NBA-ს სეზონი გაგრძელდება"
03/25/2020 11:30
71
  • ვან განდის არ სჯერა, რომ 2019/20 წწ სეზონი გაგრძელდება
  • "იმედია, ფული მთავარ როლს არ ითამაშებს"

ESPN-ის კომენტატორისა და ყოფილი მწვრთნელის, ჯეფ ვან განდის განცხადებით, ის გაკვირვებული დარჩება თუ NBA-ს სეზონის გაგრძელება მოხერხდება.

"ექსპერტი ნამდვილად არ ვარ, მაგრამ გაკვირვებული დავრჩები თუ NBA-ს სეზონი გაგრძელდება. ვეჭვობ, რომ სეზონის გაგრძელება ძალიან რთული იქნება, მაგრამ მე ადამ სილვერის მჯერა და ვფიქრობ, რომ სწორ გადაწყვეტილებას მიიღებს და ფული მთავარ როლს არ ითამაშებს.

ძალაინ მინდა, რომ ვცდებოდე და იმედი მაქვს, სეზონის ივნისსა ან ივლისში განახლება მოხერხდება და მოთამაშეებს თავის საქმის კეთების შანსი კვლავ მიეცემათ. ვიმედოვნებ, რომ სასიამოვნოდ გაოცებული დავრჩები", - ვან განდის სიტყვებს ნიუ იორკ პოსტი ციტირებს.

აღსანიშნავია, რომ ჯეფ ვან განდი 1996-2001 წლებში ნიუ იორკ ნიკსს წვრთნიდა. 2003-2007 წლებში კი ჰიუსტონ როკეტსს ედგა სათავეში.

შეგახსენებთ, რომ კორონავირუსის პანდემიის გამო NBA-ს 2019/20 წწ. სეზონი გაურკვეველი დროით არის შეჩერებული, ვინაიდან აშშ-ში COVID-19 გავრცელებას განაგრძობს. ბოლო მონაცემებით ვირუსით ინფიცირების 55 ათასამდე ფაქტია დადასტურებული. აქედან გარდაცვლილია 784 ადამიანი.

 ასევე იხილეთ: პოპოვიჩი აშშ-ს ნაკრებს არ დატოვებს

#Flashscore