ჩოგბურთი / ATP /
ფედერერმა დაუცველი ოჯახებისთვის მილიონი ფრანკი გაიღო
03/25/2020 16:51
151
  • ჩოგბურთის ლეგენდა კორონავირუსის წინააღმდეგ
  • შვეიცარიელმა თანამოქალაქეებისთვის მილიონი შცეიცარიული ფრანკი გაიღო

ყოფილი პირველი ჩოგანი, როჯერ ფედერერი კორონავირუსს ქველმოქმედებით ებრძვის და შვეიცარიაში დაუცველი ოჯახების დასახმარებლად ერთი მილიონი შვეიცარიული ფრანკი გაიღო, რაც დაახლოებით 945 ათას ევროს უდრის.

"ახლა ყველასთვის ძალიან მძიმე პერიოდია და უყურადღებოდ არავინ უნდა დარჩეს. მე და მირკამ გადავწყვიტეთ, რომ შვეიცარიაში დაუცველი ოჯახებისთვის ერთი მილიონი შვეიცარიული ფრანკი გამოგვეყო და ეს მხოლოდ დასაწყისია. ვიმედოვნებთ, რომ სხვებიც შემოგვიერთდებიან იმ ოჯახების დასახმარებლად, რომლებსაც ახლა დახმარება ყველაზე მეტად სჭირდებათ. ეს კრიზისი ყველამ ერთად უნდა დავძლიოთ! ჯანმრთელობას გისურვებთ!" - წერს სოციალურ ქსელში შვეიცარიელი ჩოგბურთელი.

შეგახსენებთ, რომ ბოლო მონაცემებით შვეიცარიაში კორონავირუსი უკვე 10 ათასზე მეტ ადამიანს დაუდასტურდა, საიდანაც 145 ფაქტი ლეტალურად დასრულდა.

ასევე იხილეთ: COVID-19-ის წინააღმდეგ ბრძოლაში მესი და გუარდიოლაც ჩაერთვნენ 

#Flashscore