სხვა / კრივი /
სუპერმძიმე წონითი კატეგორიის რეიტინგს ბრიტანელები ლიდერობენ
03/25/2020 17:05
164
  • BoxRec–მა რეიტინგი გამოაქვეყნა
  • ბრიტანელები სიას სათავეში უდგანან

მსოფლიოში ერთ-ერთმა ყველაზე პოპულარულმა საკრივო გამოცემა BoxRec-მა, სუპერმძიმე წონითი კატეგორიის განახლებული რეიტინგი გამოაქვეყნა და როგორც აღმოჩნდა, მას ბრიტანელები - ტაისონ ფიური და ენტონი ჯოშუა ლიდერობენ. 

ამ წონით კატეგორიაში არსებული ყველა ტიტული ახლა სწორედ მათ ხელშია. ჯოშუას პროფესიონალურ კარიერაში 24 ბრძოლა აქვს ჩატარებული, საიდანაც მან 23 შემთხვევაში გამარჯვება იზეიმა და მხოლოდ ერთხელ დამარცხდა, ხოლო ფიურის აქტივში 30 გამარჯვება და ერთი ფრე გახლავთ, ის დაუმარცხებელი ჩემპიონის სტატუსს ინარჩუნებს.

ჯოშუა 912.8 ქულით პირველ პოზიციაზე იმყოფება, ხოლო ტაისონს 864.8 ქულა აქვს. ბრიტანელებს ათეულის დანარჩენ წევრებთან დიდი უპირატესობა აქვთ. მოგეხსენებათ, რომ ენტონიმ რუისი განმეორებით ბრძოლაში დაამარცხა, ხოლო ბოშამ დეონტეი უაილდერი დაჯაბნა. როგორც ირკვევა, რეიტინგის პირველი ნომერი შემდეგ დაპირისპირებას კუბრატ პულევთან გამართავს, ხოლო ფიური ამერიკელ მეტოქეს მესამედაც დაუპირისპირდება. ყოველივე ამის შემდეგ კი ტაისონის სურვილია თანამემამულეს შეებრძოლოს და კარიერა დაასრულოს.

განახლებული რეიტინგი კი ასე გამოიყურება

1.ენტონი ჯოშუა (ბრიტანეთი) – 912,8

2.ტაისონ ფიური (ბრიტანეთი) – 864,8

3.ალექსანდრ უსიკი (უკრაინა) – 580,5

4.ენდი რუისი (მექსიკა) – 486,1

5.დეონტეი უალდერი (აშშ) – 480,6

6.დილიან უაიტი (ბრიტანეთი) – 383,1

7.ალექსანდრ პოვეტკინი (რუსეთი) – 362,4

8.კუბრატ პულევი (ბულგარეთი) – 344,5

9.ლუის ორტისი (კუბა) – 270,9

10.დერიკ ჩისორა (ბრიტანეთი) – 268,1

ასევე იხილეთ: VIDEO | ფიური: "დაუჯერეთ ბორისს"

 

#Flashscore