ფეხბურთი / პრემიერლიგა /
ინგლისური გრანდი იოვიჩის იჯარით აყვანას გეგმავს
03/25/2020 17:21
111
  • ჩელსისთვის უმთავრესი პრიორიტეტი თავდასხმის ხაზის გაძლიერებაა
  • "არისტოკრატები" ლუკა იოვიჩის იჯარით აყვანის ვარიანტს განიხილავენ

ლუკა იოვიჩი მომავალი სეზონიდან, შესაძლოა, პრემიერ ლიგაში ვიხილოთ. სერბი ფორვარდის გადაბირება ლონდონის ჩელსის სურს.

როგორც Daily წერს, "არისტოკრატები" 22 წლის შემტევი ერთწლიანი იჯარით აიყვანას გეგმავენ. ფრენკ ლამპარდი ტამი აბრაჰამის, ოლივიე ჟირუსა და მიჩი ბატშუაის შედეგიანობით უკმაყოფილოა და სატრანსფერო ბაზარზე, უმთავრეს მიზანს სწორედ თავდასხმის ხაზის გაძლიერება წარმოადგენს.

თავის მხრივ, იოვიჩით კმაყოფილი არც მადრიდის რეალია. სერბმა თავდამსხმელმა, "სამეფო კლუბის" მაისურით, მიმდინარე სეზონში 24 შეხვედრაში მიიღო მონაწილეობა და საკუთარ აქტივში, 2-2 გოლი და საგოლე გადაცემა მიითვალა.

ლუკა იოვიჩი მადრიდულ გრანდში, გასულ ზაფხულს, 60 მილიონი ევროს სანაცვლოდ, აინტრახტიდან გადავიდა. 22 წლის თავდამსხმელმა გასულ სეზონში, ფრანქფურტელთა მაისურით 27 გოლი გაიტანა, ხოლო თანაგუნდელებს კი 7-ჯერ საგოლედ უპასა.

ასევე იხილეთ: რეალი თავდამსხმელის ძიებაშია

#Flashscore