ფეხბურთი / პრემიერლიგა /
უპამეკანო ლაიფციგს დატოვებს - ფეხბურთელის სატრანსფერო ფასი ცნობილია
03/25/2020 18:37
193
  • დაიო უპამეკანო ზაფხულში ლაიფციგს დატოვებს
  • ფრანგი ფეხბურთელის გადაბირება ევროპულ გრანდებს სურთ

დაიო უპამეკანო ზაფხულში ლაიფციგს დატოვებს. აღნიშნულ ინფორმაციას გერმანული გამოცემა Bild ავრცელებს.

ფრანგ ფეხბურთელს კლუბთან კონტრაქტი 2021 წლის ზაფხულამდე აკავშირებს და მის გახანგრძლივებას არ აპირებს. ხელშეკრულების თანახმად, მსურველ კლუბს შეუძლია, რომ 21 წლის მცველი 60 მილიონი ევროს სანაცვლოდ გაიფორმოს. 

უპამეკანოს გადაბირება ევროპულ გრანდებს სურთ. მის მიმართ ინტერესს, ისეთი კლუბები იჩენენ, როგორებიც ბაიერნი, ბარსელონა, არსენალი და მანჩესტერ სიტია.

მათგან ყველაზე აქტიური არსენალია. ლონდონელები ჯერ კიდევ გასულ ზაფხულს ცდილობდნენ ფრანგი ფეხბურთელის ყიდვას. ისინი უპამეკანოს ტრანსფერს იანვარშიც მიუბრუნდნენ, მაგრამ მათი მცდელობა ამჯერადაც უშედეგო აღმოჩნდა.

დაიო უპამეკანო ლაიფციგში 2017 წლის ზაფხულში, 10 მილიონი ევროს სანაცვლოდ ზალცბურგიდან გადავიდა. კლუბის მაისურით ჩატარებულ 104 მატჩში მან საკუთარ აქტივში 3 გოლი მიითვალა.

 

ასევე იხილეთ: ინგლისური გრანდი იოვიჩის იჯარით აყვანას გეგმავს

#Flashscore