ფეხბურთი / ლა ლიგა /
აზარი შეფასებას მეორე სეზონის მიხედვით ითხოვს
03/26/2020 10:50
107
  • აზარი ტრავმის შემდეგ თავს კარგად გრძნობს
  • ბელგიელი ფეხბურთელი ხმაურიან დაბრუნებას თავის მეორე სეზონში გეგმავს

რეალის შემტევმა, ედენ აზარმა, ერთ-ერთ ბელგიურ ტელევიზიასთან ჩართვისას, COVID-19-თან დაკავშირებულ მოვლენებსა და მადრიდულ გრანდში თავის სადებიუტო სეზონზე ისაუბრა. ჩელსის ყოფილი ლიდერი, მსოფლიოში არსებულ მიმდინარე ვითარებაზე საკმაოდ ღელავს და ცდილობს, რომ რეკომენდაციები ზედმიწევნით შეასრულოს:

"ტრავმის შემდეგ, თავს კარგად ვგრძნობ. ნაკერები უკვე მოვიხსენი და მცირე დატვირთვით ვარჯიშსაც შევუდექი.

ამჟამად, სახლში ვარ და სხვების მსგავსად, მეც ცოტათი შეშინებული ვარ. თავს უნდა გავუფრთხილდეთ და ყველა საჭირო მითითებები გავითვალისწინოთ. განსაკუთრებით კი მათზე ვღელავ, ვისაც შედარებით სუსტი ჯანმრთელობა ქვთ.

რაც შეეხება ჩემს მადრიდულ კარიერას, პირველი სეზონი ცუდი გამოდგა. მიუხედავად ამისა, ვთვლი, რომ შეფასება მეორე სეზონით უნდა მოხდეს. კლუბთან კონტრაქტი ჯერ კიდევ ოთხი წლით მაკავშირებს", - განაცხადა ედენ აზარმა.

ედენ აზარი რეალში გასულ ზაფხულს, ჩელსიდან 100 მილიონი ევროს სანაცვლოდ გადავიდა. "სამეფო კლუბის" მაისურით ჩატარებულ 15 შეხვედრაში, ბელგიელმა შემტევმა აქტივში, გოლი და ხუთი საგოლე გადაცემა მიითვალა.

 

ასევე იხილეთ: ინგლისური გრანდი იოვიჩის იჯარით აყვანას გეგმავს

#Flashscore