კალათბურთი / NBA /
კარლ-ენტონი თაუნსის გასაჭირი - ჯოელ ემბიდის დასაფასებელი საქციელი
03/26/2020 13:01
171
  •  თაუნსს კორონავირუსი პირადად შეეხო
  • ჯოელ ემბიდი ნამდვილად კარგი ადამიანია

რამდენიმე დღის წინ მინესოტა თიმბერვულვსის სუპერვარსკვლავმა კარლ-ენტონი ტაუნსმა, საკუთარ გვერდზე ძალიან ემოციური ვიდეო გამოაქვეყნა, რომელშიც საზოგადოებას ატყობინებს, რომ დედამისს კორონავირუსი აქვს. კალათბურთელი ამბობს, რომ დედა კომაში და ხელოვნურ სუნთქვაზეა.

"ჩვენ შეგვიძლია ამ ვირუსის დამარცხება, მაგრამ ეს ძალიან სერიოზული ვირუსია და ვალდებულები ვართ, ფრთხილად ვიყოთ. ჩემს ამბავს იმ იმედით გიზიარებთ, რომ ყველა სახლში დარჩება. ჩვენ უნდა დავეხმაროთ ჩვენს ექიმებს.

მადლობა სამედიცინო პერსონალს, რომელიც დედაჩემს უვლის. თქვენ ნამდვილი გმირები ხართ. მე ვლოცულობ ყველა ჩვენგანისთის ამ მძიმე დროში."

 

ძალიან სასიამოვნოა, რომ ამ მიმართვას ფილადელფია სიქსერსის სუპერვარსკვლავი ჯოელ ემბიდი გამოეხმაურა, რომელსაც თაუნსთან ცოტა ხნის წინ უსიამოვნება მოუვიდა.

"ჩვენ შენთან ვართ ძმაო!!! შენთვის ვლოცულობთ" - მიმართა კამერუნელმა თაუნსს.

მინესოტელი გავლენიანი ინსაიდერის ჯონ კრავჟინსკის ინფორმაციით, რომელიც ამ ქალაქის კალათბურთის (ტიმბერვულვსი) და ამერიკული ფეხბურთის გუნდების (ვაიკინგსი) "შიდა სამზარეულოს" კარგად იცნობს, განაცხადა, რომ "კატმა" Mayo-ს კლინიკას 100000 დოლარი შესწირა. ეს კლინიკა აშშ-ში COVID-19-თან ერთ-ერთი მთავარი "იარაღია".

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის 68,489 შემთხვევაა დაფიქსირებული, 1,032 პაციენტი გარდაიცვალა, ხოლო 394-მა ადამიანმა კი ვირუსი დაამარცხა.

 

ასევე იხილეთ: VIDEO | როგორ ატარებენ დროს NBA-ს მოთამაშეები კარანტინში - კოლაჟი #2

#Flashscore