ფეხბურთი / ლა ლიგა /
მინო რაიოლა: "რეალიდან ჯერ არავის დაურეკავს"
03/26/2020 14:53
76
  • ჰალანდის აგენტი ფეხბურთელს მომავალ სეზონშიც დორტმუნდში ხედავს
  • მინო რაიოლას რეალისგან ზარი ჯერ არ მიუღია

ცნობილმა საფეხბურთო აგენტმა, მინო რაიოლამ ერლინგ ჰალანდის მომავალზე ისაუბრა. შეგახსენებთ, რომ ნორვეგიელი ფორვარდი მისი ერთ-ერთი კლიენტია.

რაიოლას თქმით, ის ჰალანდს მომავალ სეზონშიც დორტმუნდის ბორუსიაში ხედავს, მაგრამ მიუხედავად ამისა არაფერს გამორიცხავს. რაც შეეხება რეალს, მინოს ჯერ მათგან ზარი არ მიუღია:

"არ მგონია, რომ ერლინგი უახლოეს მომავალში დორტმუნდს დატოვებს და რეალში წავა. 

მადრიდიდან ჯერ არავის დაურეკავს, მაგრამ ფაქტია რომ ის ყველას აოცებს. მსგავს შედეგებს, არც თავად ჰალანდი ელოდა. რთულია, წინასწარ იმის თქმა, თუ რა მოხდება ხვალ", - განაცხადა მინო რაიოლამ.

ერლინგ ჰალანდი, დორტმუნდის ბორუსიაში იანვარში, ზალცბურგიდან გადავიდა. "შავ-ყვითლების" მაისურით ჩატარებულ 11 შეხვედრაში, ჰალანდის ანგარიშზე 12 გოლი და 2 საგოლე გადაცემაა.

სულ კი მიმდინარე სეზონში, ზალცბურგისა და დორტმუნდის შემადგენლობაში ჩატარებულ 33 მატჩში, მან საკუთარ აქტივში 40 გოლი და 9 საგოლე გადაცემა მიითვალა.

 

ასევე იხილეთ: "რეალთან საკმაოდ კარგი ურთიერთობა მაქვს"

 

#Flashscore