ფეხბურთი / ლა ლიგა /
ინგლისური გრანდი გრიზმანს გაქცევასა და 7-ნომრიან მაისურს სთავაზობს
03/26/2020 15:40
12267
  • მანჩესტერ იუნაიტედს გრიზმანის გადაბირება სურს
  • "წითელი ეშმაკები" მზად არიან, ფრანგ შემტევს 7-ნომრიანი მაისური გადასცენ

მანჩესტერ იუნაიტედი ზაფხულში დიდი ამბების დატრიალებას გეგმავს. "წითელი ეშმაკებისთვის" ყველაზე პრიორიტეტული თავდასხმის ხაზის გაძლიერებაა.

როგორც ესპანური Mundo Deportivo წერს, მანჩესტერელებს ბარსელონას შემტევის, ანტუან გრიზმანის გადაბირება სურთ. ისინი მზად არიან ფრანგს 7-ნომრიანი მაისური შესთავაზონ, რომელიც ამჟამად, მილანის ინტერში იჯარით წასულ ალექსის სანჩესს ეკუთვნის.

გრიზმანი ბარსელონაში, გასულ ზაფხულს, მადრიდის ატლეტიკოდან 120 მილიონი ევროს სანაცვლოდ გადავიდა. "ბლაუგრანას" მაისურით ჩატარებულ 37 შეხვედრაში, 29 წლის ფეხბურთელის ანგარიშზე, 14 გოლი და 4 საგოლე გადაცემაა.

როგორც ცოტა ხნის წინ, კიდევ ერთმა ესპანურმა გამოცემა, Diario-მ დაწერა, კატალონიელები მზად არიან გრიზმანს შეელიონ. ფრანგი შემტევი, სწორედ იმ რვაკაციან შავ სიაში მოხვდა, რომელთა გაყიდვასაც ისინი ზაფხულში აპირებენ. 

 

ასევე იხილეთ: წმენდა ბარსელონაში - 8 ფეხბურთელი ტრანსფერზე

#Flashscore