ფეხბურთი / მსოფლიო ფეხბურთი /
შანხაი შენჰუას ზღაპრული შეთავაზება იგალოს
03/26/2020 16:31
179
  • შანხაი შენჰუა იგალოს შენარჩუნებას ეცდება
  • 2-წლიანი კონტრაქტი და 435 ათასი კვირაში

მანჩესტერ იუნაიტედის ფორვარდმა, ოდიონ იგალომ, რომელიც ინგლისურ კლუბში შანხაი შენჰუადან არენდის წესით იმყოფება, ჩინური კლუბისგან ზღაპრული შეთავაზება მიიღო.

მოგახსენებთ, რომ ნიგერიელი ფეხბურთელი "ოლდ ტრაფორდზე" ზამთრის სატრანსფერო ფანჯრის პერიოდში არენდის წესით და გამოსყიდვის უფლებით გადაბარგდა, თავი შესანიშნავად წარმოაჩინა და ინგლისელები მის საბოლოო შესყიდვაზე დააფიქრა.

ამასთანავე, უნდა აღინიშნოს, რომ კორონავირუსის პანდემიის გამო ამ დროისთვის ინგლისის პრემიერ ლიგა შეჩერებულია და სავარაუდოდ ზაფხულში გაგრძელდება, რაც იმას ნიშნავს, რომ იგალოს "მანკუნიანელებთან" საიჯარო ხელშეკრულების ვადა შესაძლოა ჩემპიონატის დასრულებამდე ამოიწუროს. აქედან გამომდინარე, "წითელი ეშმაკები" ორ ვარიანტს განიხილავენ - ფეხბურთელის საბოლოო გამოსყიდვა, ან არენდის გახანგრძლივება.

თუმცა, საბოლოო გადაწყვეტილება ოდიონ იგალოზე იქნება დამოკიდებული. თუ ნიგერიელი კარიერის გაგრძელებას კვლავ ჩინეთში მოინდომებს, შანხაი შენხუა მზად არის ფეხბურთელს ახალი, ორწლიანი ხელშეკრულება შესთავაზოს და ანაზღაურების სახით კვირაში 400 ათას ფუნტს ჰპირდება, რაც დაახლოებით 435 ათას ევროს უდრის.

მანჩესტერში გადასვლის შემდეგ, ოდიონ იგალომ იუნაიტედის მაისურით ყველა ტურნირის ეგიდით 8 მატჩში მიიღო მონაწილეობა და 4 გოლი გაიტანა.

 

ასევე იხილეთ: წმენდა ბარსელონაში - 8 ფეხბურთელი ტრანსფერზე

 

 

#Flashscore