ქართული სპორტი / ქართული ფეხბურთი /
ლოკომოტივმა ზაზა ჯანაშია ყველა დროის საუკეთესო გუნდში შეიყვანა
03/26/2020 16:43
327
  • რუსულმა კლუბმა ყველა დროის საუკეთესო თერთმეტეული დაასახელა
  • ქართველებში ყველაზე გამორჩეული ჯანაშიაა

მოსკოვის ლოკომოტივმა სოციალურ ქსელში ყველა დროის საუკეთესო თერთმეტეული გამოაქვეყნა იმ ფეხბურთელებისგან, ვისაც კი ლოკომოტივში ოდესმე უთამაშია.

აღსანიშნავია, რომ კლუბმა სიმბოლური გუნდის შედგენისას ყურადღება ფეხბურთელთა ეროვნებას მიაქცია. სიმბოლურში ქვეყნების მხოლოდ ერთი წარმომადგენელია. ლოკომოტივში სხვადასხვა დროს არაერთ ქართველს უთამაშია, რუსულმა კლუბმა კი მათ შორის ყველაზე მეტად ზაზა ჯანაშია გამოარჩია და სიმბოლურ გუნდშიც სწორედ ის შეიყვანა.

ჯანაშიამ ლოკომოტივის მაისურით 194 მატჩში 52 გოლი გაიტანა.

ლოკომოტივის ყველა დროის სიმბოლური გუნდი ასე გამოიყურება: გილერმე (ბრაზილია), გურენკო (ბელარუსი), ივანოვიჩი (სერბეთი), ჩორლუკა (ხორვატია), დურიცა (სლოვაკეთი), ლეკხეტო (სამხრეთ აფრიკა), მამინოვი (უზბეკეთი), კრიხოვიაკი (პოლონეთი), ლოსიკოვი (რუსეთი), ფარფანი (პერუ), ჯანაშია (საქართველო).

საინტერესოა, რომ ყველა დროის საუკეთესო გუნდში ლოკომოტივის ოთხი მოქმედი ფეხბურთელია.

ასევე იხილეთ: "უჩემოდ რთული იქნებოდა, მაგრამ ევროპალიგის ნახევარფინალამდე მივიდოდნენ"

#Flashscore