ფეხბურთი / ლა ლიგა /
ბარსელონა ტოტენჰემის ნახევარმცველით ინტერესდება
03/26/2020 17:19
98
  • ბარსელონა რაკიტიჩისა და ვიდალის შემცვლელს ეძებს
  • კატალონიელები ტანგი ნდომბელეთი დაინტერესდნენ

კატალონიის ბარსელონა ზაფხულის სატრანსფერო ფანჯრისთვის მზადებას განაგრძობს და იმ ფეხბურთელების სიას ადგენს, რომელთაც შესაძლოა მომდევნო სეზონი "ნოუ კამპზე" დაიწყონ.

როგორც უკვე გამცნეთ, "ბლაუგრანა" გუნდში დიდ ცვლილებებს გეგმავს და შესაბამისად ახალი ვარიანტების ძიებაშია. აქედან გამომდინარე, კლუბის ინტერესთა სფეროში ლონდონის ტოტენჰემის ნახევარმცველი, ტანგი ნდომბელე მოექცა, რომელსაც ბარსელონა ივან რაკიტიჩისა და არტურო ვიდალის შემცვლელად მოისაზრებს, ვინაიდან მოსალოდნელია, რომ ხორვატიცა და ჩილელიც კატალონიის დედაქალაქს ზაფხულში დატოვებენ.

Mundo Deportivo-ს ცნობით, 23 წლის ფრანგი, რომელიც ლონდონურ კლუბს გასულ ზაფხულს შეუერთდა, "დეზების" შემადგენლობაში გამოსვლით უკმაყოფილოა, რადგან თვლის, რომ არასაკმარიად ენდობიან, სათამაშო დროის ნაკლებობას განიცდის და კლუბის გამოცვლის წინააღმდეგი არ იქნება. 

პრემიერ ლიგის მიმდინარე სეზონში, რომელიც ამჟამად კორონავირუსის პანდემიის გამო დროებით შეჩერებულია, ნდომბელემ ტოტენჰემის შემადგენლობაში 19 მატჩი ჩაატარა და 2 გოლი გაიტანა.

 

ასევე იხილეთ: შანხაი შენჰუას ზღაპრული შეთავაზება იგალოს

 

 

#Flashscore