ფეხბურთი / მსოფლიო ფეხბურთი /
ფიფას მოთხოვნა კლუბებს: ყველა კონტრაქტი სეზონის ბოლომდე გახანგრძლივდეს!
03/26/2020 18:34
99
  • ფიფა კლუბებს მოთხოვნებს წაუყენებს
  • შესაძლოა, სატრანსფერო ფანჯარა იანვრამდე არ დაიხუროს

ფიფა კლუბებს დაავალდებულებს, რომ ყველა იმ ფეხბურთელისა თუ მწვრთნელის კონტრაქტი, რომელიც ამ ზაფხულს იწურება, წლის ბოლომდე გახანგრძლივდეს.

აღნიშნულ ინფორმაციას Reuters-ი ავრცელებს. გამოცემა წერს, რომ ხელშეკრულებები სეზონის ბოლომდე უნდა გაფორმდეს. ასევე ფიფას სურს სატრანსფერო ფანჯარა იანვრამდე არ დახუროს.

კორონავირუსის გამო თითქმის მთელ მსოფლიოში შეჩერდა ფეხბურთი. რამდენიმე კლუბი ფეხბურთელებისთვის ხელფასის გადახდაზე უარს აცხადებს, რამდენიმემ კი ფეხბურთელებთან ხელფასის შემცირებაზე მოლაპარაკება დაიწყო. იმ შემთხვევაში, თუ ფეხბურთელებსა და კლუბს შორის შეთანხმება ვერ შედგა და კლუბმა ცალმხრივად გადაწყვიტა ხელფასების არგაცემა ან დაკლება, მაშინ ის ფიფასგან დაისჯება. თუ როგორ, რა ფორმით, ამაზე ფიფა მოგვიანებით იმსჯელებს.

ასევე იხილეთ: შესაძლოა, ფიფამ სატრანსფერო ფანჯარა იანვრამდე გაახანგრძლივოს

#Flashscore