სხვა / სხვა /
MotoGP | ესპანეთის გრან პრი გადაიდო
03/26/2020 18:38
101
  • კორონავირუსი სპორტს კვლავ უტევს
  • ხერესის ეტაპი გაურკვეველი ვადით გადაიდო

მოტოსპორტის მსოფლიო ჩემპიონატის ეტაპი, რომელიც ესპანეთში უნდა გამართულიყო, კორონავირუსის პანდემიის გამო გაურკვეველი ვადით გადაიდო.

MotoGP-ს გრან პრი ხერესში 3 მაისს იყო ჩანიშნული, თუმცა COVID-19-ის გამო მოტორბოლა აღარ გაიმართება. ესპანეთამდე ასევე, გაურკვეველი ვადით იქნა გადატანილი ტაილანდის, აშშ-სა და არგენტინის ეტაპები. ხოლო, ბაჰრეინში მხოლოდ Moto2-სა და Moto3-ის კლასის რბოლები გაიმართა.

ამგვარად, მოტოსპორტის მოყვარულებს MotoGP-ს 2020 წლის სეზონის პირველი რბოლის ხილვა საფრანგეთში მოუწევთ, რომელიც 17 მაისს უნდა გაიმართოს.

შეგახსენებთ, რომ კორონავირუსის პანდემიას მსოფლიო ჯერჯერობით უშედეგოდ ებრძვის და უკანასკნელი მონაცემებით ინფიცირებულთა რაოდენობამ ნახევარ მილიონს მიაღწია, ხოლო გარდაცვლილთა რიცხვი 22 175-ს შეადგენს.

ესპანეთში COVID-19-ით დაავადებულთა 56 188 ფაქტია დადასტურებული, გარდაცვლილია 4 089 ადამიანი.

 

ასევე იხილეთ: F1 - ბაქოს გრან პრი გადაიდო

 

 

#Flashscore