ფეხბურთი / ლა ლიგა /
რუბიალესი: "პრიორიტეტი სეზონის დასრულებაა"
03/26/2020 19:27
83
  • ესპანეთის ფეხბურთის ფედერაციის პრეზიდენტი იმედს არ ჰკარგავს
  • რუბიალესი მიიჩნევს რომ სეზონის დასრულება მოხერდება

ესპანეთის ფეხბურთის ფედერაციის პრეზიდენტი, ლუის რუბიალესი აცხადებს, რომ მათი მთავარი პრიორიტეტი 2019-2020 წლების სეზონის დასრულებაა.

"ჩვენი პრიორიტეტი ესპანეთის ჩემპიონატის დასრულებაა. უსამართლობა იქნება კლუბების მოცემული მდგომარეობის მიხედვით შეფასება, რომელიც დივიზიონებში აღზევებასა და დაქვეითებას გულისხმობს. უმაღლეს ლიგაში ადგილის მოპოვება გუნდებმა მოედანზე ბრძოლით უნდა მოიპოვონ. ასობით გუნდი ელოდება, რომ ესპანეთი კორონავირუსს დაამარცხებს და სეზონის დასრულების შანსი მიეცემათ - შესაძლოა ეს მაისში მოხდეს, რაც ნაკლებსავარაუდოა და ძალიან გამიხარდება თუ შევცდები. მიზანი ერთია და ეს სეზონის დასრულებას გულისხმობს.

ძალიან ექსტრემალურ პერიოდში მოგვიწია ცხოვრება. არ გვაქვს კონკრეტული თარიღი, თუ როდის მოხერხდება სეზონის განახლება. ამიტომ ყოველგვარი პროგნოზებისგან თავს ვიკავებთ და ვმუშაობთ სცენარის განვითარების ყველა შესაძლო ვარიანტზე. როცა ყველაფერი დასრულდება და ცხოვრება ჩვეულ რიტმს დაუბრუნდება, სწორედ მაშინ გადავწყვეტთ რა ბედი ეწევა მიმდინარე სეზონს", - ციტირებს რუბიალესის სიტყვებს ფედერაციის პრეს-სამსახური.

შეგახსენებთ, რომ ესპანეთის საფეხბურთო ტურნირები მსოფლიოში გავრცელებული ახალი კორონავირუსის პენდემიის გამოა შეჩერებული. ამ დროისთვის ქვეყნის მასშტაბით COVID-19-ით დაინფიცირებულთა 56 188 ფაქტია დადასტურებული. აქედან 7 015 ადამიანი გამოჯანმრთელდა, ხოლო 4 089 გარდაიცვალა.

 

ასევე იხილეთ: ჟირონას ფეხბურთელს კორონავირუსი დაუდგინდა

 

 

#Flashscore