ფეხბურთი / პრემიერლიგა /
ინგლისში ქვედა ლიგებისთვის სეზონი დასრულდა
03/26/2020 20:23
90
  • COVID-19-ის გამო ინგლისის ქვედა ლიგებში სეზონი შეწყდა
  • შედეგები განულებულია

კორონავირუსის პანდემიის გამო, ინგლისში ლიგა 2-ის ქვემოთ ყველა ნაციონალური ჩემპიონატისთვის სეზონი დასრულებულად გამოცხადდა და შედეგები განულდა.

ეს კი იმას ნიშნავს, რომ პრემიერ ლიგის, ჩემპიონშიპის, ლიგა 1-სა და ლიგა 2-ს გარდა, ყველა ქვედა დივიზიონისთვის 2019 - 2020 წლების სეზონი დასრულებულია. შესაბამისად, შედეგები გაუქმდება და დაქვეითება და აღზევება არ მოხდება.

ანალოგიური გადაწყვეტილება შეეხება ინგლისის ქალთა ფეხბურთსაც გარდა სუპერ ლიგისა და ჩემპიონშიპისა.

"ეს რთული პერიოდია ინგლისური ფეხბურთისთვის და ყველა მიღებული გადაწყვეტილება ფეხბურთის ინტერესებს წარმოადგენს. ჩვენი უმთავრესი ამოცანა კლუბების, მოთამაშეების, ოფიციალური პირების, პერსონალის, მოხალისეებისა და გულშემატკივრის უსაფრთხოებაა", - ვკითხულობთ ინგლისის ფეხბურთის ასოციაციის განცხადებაში.

შეგახსენებთ, რომ ბოლო ცნობებით ინგლისში კორონავირუსით დაინფიცირებულთა რაოდენობა ყოველდღიურად მატულობს და ამ დროისთვის მათი რაოდენობა 10 ათასს აღწევს. გარდაცვლილთა რიცხვი კი 477-ს შეადგენს.

 

ასევე იხილეთ: რატომ ვერ შეძლო იაიამ ოქროს ბურთის მოგება? -კოლომ უმთავრესი მიზეზი დაასახელა

 

 

#Flashscore