ფეხბურთი / სერია ა /
ბაკაიოკოს მილანში დაბრუნება სურს
03/26/2020 20:49
106
  • ფრანგ ფეხბურთელს მილანში დაბრუნება სურს
  • მალდინი ჩელსის დაუკავშირდა

ტიმუი ბაკაიოკოს, რომელიც ლონდონის ჩელსის საკუთრებაშია და ამჟამად მონაკოშია არენდის წესით, მილანში დაბრუნებაზე ფიქრობს.

მოგეხსენებათ, ფრანგი ნახევარმცველი "როსონერის" შემადგენლობაში 2018 -2019 წლების სეზონში, ასევე განათხოვრების წესით გამოდიოდა.

ბაკაიოკო აშკარად არ შედის "არისტოკრატების" მთავარი მწვრთნელის, ფრენკ ლამპარდის გეგმებში და აქედან გამომდინარე, ფეხბურთელს მუდმივი მოგზაურობის ნაცვლად, "სტემფორდ ბრიჯიდან" სამუდამოდ აბარგება სურს. 25 წლის ფეხბურთელს ლონდონურ კლუბთან მოქმედი კონტრაქტი 2022 წლის ზაფხულამდე აკავშირებს.

ასევე, ვრცელდება ინფორმაცია, რომ მილანის სპორტული დირექტორი, პაოლო მალდინი ბაკაიოკოს ტრანსფერთან დაკავშირებით უკვე დაუკავშირდა ჩელსის და დიდია ალბათობა, რომ მომდევნო სეზონიდან ფრანგი კვლავ "სან სიროზე" ვიხილოთ.

 

ასევე იხილეთ: ელ შაარავის ჩინეთიდან იტალიაში დაბრუნება სურს

 

 

#Flashscore