ფეხბურთი / ლა ლიგა /
რივალდო: ბარსელონამ ნეიმარი უნდა იყიდოს, მარტინესი მზად არაა
03/26/2020 21:51
133
  • რივალდოს ბარსასთვის ნეიმარი სურს
  • ბრაზილიელმა მარტინესი ჯერ მზად არ არისო

ბარსელონას ყოფილმა მოთამაშემ რივალდომ ლაუტარო მარტინესისა და ნეიმარის შესაძლო ტრანსფერზე ისაუბრა.

შეგახსენებთ, რომ გავრცელებული ინფორმაციით, ზაფხულში ბარსელონა ინტერის ფორვარდის შეძენას გეგმავს. საუბარია ნეიმარის დაბრუნებაზეც.

"უკვე დიდი ხანია იმას ვიძახი, რომ ნეიმარის მჯერა. შესაძლოა, ბარსელონადან მისი წასვლა შეცდომა იყო, მაგრამ თუ მცირე შანსი მაინც არსებობს დაბრუნების, კლუბმა ეს უნდა გააკეთოს. ის ჯერ 28 წლისაა და წინ ბევრი მატჩი აქვს. ბარსელონა მისი შეძენით შესანიშნავ ფეხბურთელს დაიმატებდა, რომელიც კლუბს კარგად იცნობს. მისი დაბრუნებით მესიც მოხარული იქნებოდა.

ამბობენ, ბარსელონას მარტინესის შეძენა სურსო, მაგრამ ვფიქრობ, რომ 22 წლის ფორვარდს ჯერ შესაბამისი გამოცდილება არ აქვს. ის უკვე იქცა ინტერისთვის მნიშვნელოვან ფეხბურთელად და მომავალში ტოპ დონის ფეხბურთელადაც შეიძლება იქცეს, მაგრამ დღეს ის ბარსელონასთვის მზად არაა. ბარსასთვის დღეს პრიორიტეტი ნეიმარი უნდა იყოს. მათ უნდა გაიმეტონ ფული, რადგან, როგორც ჩანს, პსჟ მოლაპარაკებებისთვის მზადაა.

ვფიქრობ, ყველაფერი რიგზე იქნება, თუ ის პსჟ-ში მოულოდნელი ტრანსფერისთვის გულშემატკივარს ბოდიშს მოუხდის", - თქვა რივალდომ Betfair-თან ინტერვიუში.

ასევე იხილეთ: წმენდა ბარსელონაში - 8 ფეხბურთელი ტრანსფერზე

#Flashscore