სხვა / UFC /
ჯონ ჯონსი დაპატიმრებულია
03/26/2020 22:19
139
  • ნასვამ მდგომარეობაში ავტომობილის მართვა და იარაღის უკანონოდ ტარება
  • ამერიკის პოლიციამ ჯონ ჯონსი დააკავა

აშშ-ს პოლიციამ ნიუ მექსიკოს შტატში UFC-ს ჩემპიონი, ჯონ ჯონსი დააკავა.

დაახლოებით ღამის პირველ საათზე პოლიციამ მიიღო შეტყობინება, რომ ქალაქ ალბუკერკში სროლის ხმა ისმოდა. ადგილზე მისულმა სამართალდამცველებმა ჯონ ჯონსის ავტომობილის ჩხრეკისას აღმოაჩინეს ცეცხლსასროლი იარაღი, რომლის ტარების უფლებაც მებრძოლს არ აღმოაჩნდა. ასევე, გაირკვა, რომ ჯონსი ავტომანქანას ნასვამ მდგომარეობაში მართავდა.

გავრცელებული ინფორმაციით, ჯონ ჯონსმა იარაღიდან სროლის ფაქტი უარყო. მომხდარზე მიმდინარეობს გამოძიება და დეტალები მოგვიანებით გახდება ცნობილი.

აღსანიშნავია, რომ ჯონსისთვის ეს არ არის პირველი შემთხვევა. 2012 წელს, ნიუ იორკში ავტოსაგზაო შემთხვევის დროს, რომელშიც UFC-ს მებრძოლი მოხვდა, პოლიციის შემოწმების შემდეგ, მას ორგანიზმში ალკოჰოლური თრობა აღმოაჩნდა.

 

ასევე იხილეთ: 1 მილიონი - მაკგრეგორის ღირსეული საქციელი

 

 

 

#Flashscore