ჩოგბურთი / /
"კარიერაში ყველაზე მნიშვნელოვანი გამარჯვების დროა, შევაგროვოთ 11 მილიონი ევრო"
03/26/2020 22:54
117
  • ნადალმა განცხადება გაავრცელა
  • ესპანელმა სპორტსმენებს გაერთიანებისკენ მოუწოდა

ესპანელმა ჩოგბურთელმა რაფაელ ნადალმა სოციალურ ქსელში განცხადება გაავრცელა, სადაც თავისი ქვეყნის სპორტსმენებს 11 მილიონი ევროს შეგროვებისკენ მოუწოდა.

"მოვიდა დრო, ჩვენი კარიერის განმავლობაში ყველაზე მნიშვნელოვანი გამარჯვება მოვიპოვოთ. ჩვენ, სპორტსმენებს დიდი პასუხისმგებლოპბა გვაკისრია, ჩვენ გვგულშემატკივრობს ხალხი. ახლა სწორედ ის მომენტია, როდესაც მათი მოლოდინი უნდა გავამართლოთ და იმედები არ გავუცრუოთ.

მე და პაუ გასოლმა ახალი ინიციატივა წამოვიწყეთ, რომელმაც სპორტსმენები უნდა გაგვაერთიანოს და "წითელ ჯვარს" დავეხმაროთ. მიზანი დაზარალებულებისთვის 11 მილიონი ევროს შეგროვებაა. გვჯერა, რომ ასეთ ისტორიაში თავის სახელსა და გვარს ბევრი ჩაწერს. მე და გასოლმა ჩვენი წვლილი უკვე შევიტანეთ", - თქვა ნადალმა.

გეტყვით, რომ ესპანეთში კორონავირუსით დაინფიცირებულთა რაოდენობა ამ მომენტისთვის 56,197-ს შეადგენს, გარდაცვლილთა რაოდენობა - 4,145.

ასევე იხილეთ: ფედერერმა დაუცველი ოჯახებისთვის მილიონი ფრანკი გაიღო

#Flashscore