ფეხბურთი / მსოფლიო ფეხბურთი /
მიშელ იდალგო გარდაიცვალა
03/26/2020 23:36
134
  • მწვრთნელი, რომელმაც საფრანგეთს ევროპის ჩემპიონატი მოაგებინა
  • 87 წლის ასაკში მიშელ იდალგო გარდაიცვალა

ფრანგული ფეხბურთის ლეგენდა და ეროვნული ნაკრების ყოფილი მთავარი მწვრთნელი, მიშელ იდალგო 87 წლის ასაკში, ქალაქ მარსელში, საკუთარ სახლში გარდაიცვალა.

მიშელ იდალგო საფრანგეთის ნაკრებს 1976 - 1984 წლებში წვრთნიდა და სწორედ მისი თავკაცობით მოიპოვეს "სამფეროვნებმა" პირველი დიდი ტიტული, როდესაც 1984 წელს საშინაო ევროპის ჩემპიონატის ტრიუმფატორები გახდნენ. 

ევრო-1984-ზე მიღწეული წარმატების შემდეგ, ლეგენდარულმა მწვრთნელა დაკავებული პოსტი დატოვა. აღსანიშნავია, რომ, მან უარი თქვა საფრანგეთის სპორტის მინისტრის თანამდებობაზე და 1986 წელს მარსელის ოლიმპიკი ჩაიბარა, რომელსაც 1991 წლამდე ედგა სათვეში. იგალგომ მარსელს 3-ჯერ ქვეყნის ჩემპიონოატი, ერთხელ კი საფრანგეთის თასი მოაგებინა. 

13-წლიანი პაუზის შემდეგ, 2004 წელს იდალგომ კონგოს დემოკრატიული რესპუბლიკის ეროვნული ნაკრები ჩაიბარა, სადაც 2 წელი იმუშავა.

ასევე, უნდა აღინიშნოს, რომ 1982 წლის მსოფლიო ჩემპიონატზე ესპანეთში, მიშელ იდალგოს საფრანგეთმა ნახევარფინალამდე მიაღწია, სადაც დასავლეთ გერმანიასთან დამარცხდა. მესამე ადგილისთვის მატჩი კი პოლონეთთან დათმეს.

პროფესიონალური საფეხბურთო კარიერის მანძილზე იდალგო ლე ავრის (1952-54), რეიმსისა (1954-57) და მონაკოს (1957-66) შემადგენლობებში გამოდიოდა.

 

ასევე იხილეთ: რივალდო: ბარსელონამ ნეიმარი უნდა იყიდოს, მარტინესი მზად არაა

 

 

 

#Flashscore