ფეხბურთი / ბუნდესლიგა /
ფლიკს შრომა დაუფასდა
04/03/2020 21:54
201
  • ჰანსი ფლიკი დროებით მწვრთნელი აღარ არის
  • გერმანელმა სპეციალისტმა მიუნხენურ გრანდთან კონტრაქტი გაახანგრძლივა

მიუნხენის ბაირნმა აწ უკვე ყოფილ დროებით მწვრთნელთან, ჰანსი ფლიკთან კონტრაქტი გაახანგრძლივა. ახალი ხელშეკრულების თანახმად, გერმანელი სპეციალისტი "რეკორდმაისტერს" 2023 წლის ზაფხულამდე გაწვრთნის. აღნიშნულ ინფორმაცაის მიუნხენური გრანდის ოფიციალური გვერდი ადასტურებს.

ფლიკმა სეზონის მიმდინარეობისას ნიკო კოვაჩი ჩაანაცვლა, რომელიც არადამაკმაყოფილებელი შედეგებისა და თამაშის ხარისხის გამო, მთავარი მწვრთნელის პოსტიდან გაათავისუფლეს.

კორონავირუსის პანდემიის გამო, სამი კვირაა, რაც ბუნდესლიგაში იძულებითი შესვენებაა. გერმანიის უმაღლეს დივიზიონში გამართული 25 ტურის შემდეგ, ბაიერნი 55 ქულით ჩემპიონატის ლიდერია და მეორეადგილოსანი დორტმუნდის ბორუსია, მას ოთხი ქულით ჩამორჩება. გარდა ამისა, ჰანსი ფლიკს, ბაიერნის ისტორიაში მოგებული მატჩების ყველაზე კარგი პროცენტული მაჩვენებელი აქვს. მას შემდეგ, რაც ის სათავეში "რეკორდმაისტერებს" ჩაუდგა, მიუნხენურმა გრანდმა შეხვედრების 80%-ში მეტოქის დამარცხება მოახერხა. 

 

ასევე იხილეთ: ბაიერნმა ბოატენგი დააჯარიმა - ფეხბურთელმა მიზეზი დაასახელა

#Flashscore