კალათბურთი / NBA /
ბრუკლინს მესამე ვარსკვლავიც სჭირდება - ამისთვის მათ ყველაფერი აქვთ...
04/04/2020 12:55
372

წლევანდელი სეზონი NBA-ში ნამდვილად უჩვეულოა (იყო), რომელიც გუნდების სამვარსკვლავიანი სისტემიდან, ორვარსკვლავიანზე გადავიდა და საკმაოდ ბევრი საინტერესო დუეტი ვიხილეთ.

ამასვე აპირებდა ბრუკლინ ნეთსი, რომელმაც გუნდში ორი სუპერვარსკვლავი, კაირი ირვინგი და კევინ დურანტი მოიყვანა, თუმცა ვრცელდება ინფორმაცია, რომ შეიძლება გუნდმა კურსი შეცვალოს.ვრ

კევინთან და კაირისთან ოთხწლიანი კონტრაქტების გაფორმების შენდეგ, ნეთსი მომგებიან პოზიციაშია და შეუძლიათ მესამე სარსკვლავზეც იფიქრონ.

ESPN-ის რეპორტიორი ბრაიან ვინორჰესტის ინფორმაციით, ბრუკლინმა მომავალი სეზონის დაწყების წინ, სწორედ ამ მესამეზე ფიქრი დაიწყოს, თანაც გუნდს ამისთვის ყველანაირი შესაძლებლობა აქვს.

"მე მჯერა, რომ ისინი აპირებენ თავიანთი შესაძლებლობა გამოიყენონ და გუნდში კაირის და დურანტს მესამე ვარსკვლავი დაამატონ", - განაცხადა ვინორჰერსტმა ერთ-ერთ პოდკასტში.

წარმოგიდგენთ მოთამაშეებს, რომლებიც იდეალურად მოერგებიან ხსენებულ ორ სუპერვარსკვლავს და მათ საჩემპიონო ამბიციებს ბევრად რეალურს გახდის.

 

ლამარკუს ოლდრიჯი

 LaMarcus Aldridge, Spurs Agree to 3-Year, $72 Million Contract ...

ბრუკლინი მიიღებს: ლამარკუს ოლდრიჯი; დერიკ უაითი;

სან ანტონიო მიიღებს: ჯარეტ ალენი; ტორინ პრინსი; სპენსერ დინვიდი;

სპურსი გარდაუვალი რებილდინგისკენ მიდის. კონტრაქტი ეწურება დემარ დეროზანს და შესაძლოა თავისუფალი აგენტი გახდეს, ასევე თითო-თითო წელი დარჩათ ვეტერანებს, რუდი გეის და პატი მილსს.

სან ანტონიოელებმა პროდუქტიულად უნდა იფიქრონ და ოლდრიჯის გაცვლაზე იფიქრონ, რადგან ის ჯერ კიდევ უმაღლეს დონეზე თამაშობს.

ლამარკუსი ბრუკლინს პლეიოფის გამოცდილებას მისცემდა, მას როგორც ფორვარდად, ასევე ცენტრად შეუძლია თამაში. შვიდგზის All Star-ის მონაწილე, ამ სეზონში საშუალოდ 18.9 ქულას, 7.4 მოხსნას, 2.4 შედეგიან გადაცემას აგროვებს. ის პერიმეტრიგან ძალიან კარგი მსროლელი გახდა და საშუალოდ 3.0 მცდელობიდან 38.9% მიზანს აღწევს.

ბრუკლინს ალენის, დინვიდის და პრინსის დაკარგვა დააზარალებს, თუმცა გუნდში დარჩება ახალგაზრდა კარის ლევერტი, რომელსაც ძალიან მაღალ დონეზე განვითარება შეუძლია.

სპურსი დერიკ უაითს დეჟანტე მარისთან ერთად თითქმის არ იყენებს, ასე რომ ამ მოთამაშის გაშვება მათ დიდად არ დააზარალებს, ხოლო დინვიდის მიღება შეტევას მრავალფეროვანს გახდის.

 

 

 

ბადი ჰილდი

 Buddy Hield Signs Reported 4-Year, $86M Contract with $20M in ...

ბრუკლინი მიიღებს: ბადი ჰილდი

საკრამენტო მიიღებს: ჯარეტ ალენი; ტორინ პრინსი; ტეო პინსონი; 2020 წლის პირველი რაუნდის პიკი (ფილადელფიასგან)

ბადი ჰილდი სუპერვარსკვლავი არ არის, თუმცა NBA-ს ერთ-ერთი საუკეთესო მსროლელია და გასული ორი სეზონის განმავლობაში 20.3 ქულას აგროვებს.

მისი დამატების შემთხვევაში, კევინ დურანტი მთავარი ვარსკვლავი იქნება, კაირიმ უკვე დაამტკიცა, რომ საჩემპიონო გუნდის მეორე კაცობა კარგად შეუძლია, ხოლო ბადი იდეალურად აიღებს მესამე ოფშენის ფუნქციას.

ჰილდი პერიმეტრიდან 41,1 პროცენტით ესვრის, რაც შესანიშნავია. ნეთსს მომდევნო 4 წლის მანძილზე წელიწადში 23.5 მილიონი დოლარის გადახდა მოუწევს, მათ ესეც იდეალურად აწყობთ.

საკრამენტოს მისი კონკურენტის, ბოგდან ბოგდანოვიჩის შენარჩუნება სურს და ამისთვის ყველაფერს გააკეთებს. გუნდი ასევე დიდი ხანია ეძებს მაღალი დონის ცენტრს და ალენი ნამდვილად ასეთია, ხოლო ტორინ პრინსი მათ შემადგენლობას კიდევ უფრო ღრმას გახდის.

 

მიუხედავად იმისა, რომ ჰილდი არ არის ისეთი კაშკაშა ვარსკვლავი, რომლის დამატებაც ნეთსს შეუძლია, ის იდეალურად ჯდება დურანტი ირვინგის გუნდში და შეუძლია მათ კარგად დაეხმაროს.

 

სი ჯეი მაკკალუმი

 Trail Blazers' CJ McCollum Ruled Out vs. Mavericks After Suffering ...

ბრუკლინი მიიღებს: სი ჯეი მაკკალუმი

პორტლენდი მიიღებს: კარის ლევერტი; ტორინ პრინსი; 2020 წლის პირველი რაუნდის პიკი (ფილადელფიასგან).

გასულ სეზონში დასავლეთ კონფერენციის ფინალში მარცხმა და მიმდინარე სეზონის არც თუ ისე კარგად (29:37) ჩატარებამ, ბლეიზრსის ხელმძღვანელობა ლილარდი მაკკალუმის დუეტის დაშლაზე, შესაძლოა სერიოზულად დააფიქროს.

სი ჯეის კონტრაქტი 2023-24 წლების სეზონამდე აქვს, ის ლიგის ერთ-ერთი საუკეთესო მცველია. მის დასამატებლად კი ნეთსს კარის ლევერტთან შელევა მოუწევს, რომელიც პორტლენდისთვის "ახალი სისხლი" უნდა გახდეს, ხოლო პრინსი მათი დაცვის გამაძლიერებელი გახდება, რომელსაც გუნდი დიდი ხანია ეძებს.

28 წლის კალათბურთელის საშუალო მაჩვენებელი 22,5 ქულა, 4,3 შედეგიანი გადაცემა და 4,1 მოხსნაა, სამქულიანებს კი 38.0 პროცენტით ისვრის. აღსანიშნავია, რომ პლეიოფში მისი მონაგარი იმატებს, რაც სი ჯეის მაღალ კლასზე მეტყველებს.

ჰილდის მსგავსად (შესაძლოა ბევრად უკეთაც), ის იდეალურად ჩადება კევინის და კაირის გუნდში, ამით ძალიან ძლიერი ტრიო შეიქმნება, სერიოზული საჩემპიონო ამბიციებით.

 

ბრედლი ბილი

 It's So Political": Isaiah Thomas Criticizes NBA Over Bradley ...

ბრუკლინი მიიღებს: ბრედლი ბილი.

ვაშინგტონი მიიღებს: ჯარეტ ალენი; კარის ლევერტი; სპენსერ დინვიდი; 2020 წლის პირველი რაუნდის პიკი (ფილადელფიასგან).

26 წლის კალათბურთელი, მიმდინარე სეზონში საშუალოდ საშუალოდ 30,5 ქულას, 6.1 გადაცემას, 4.2 მოხსნას და 1.2 ჩაჭრას აგროვებს. გუნდის საშინელმა შედეგებმა მას All-Star-ში მონაწილეობის შანსი დააკარგინა, თუმცა ეს ბრუკლინში გადასვლის შემთხვევაში აუცილებლად ექნება.

ლევერტის დამატებით, ვიზარდსი მიიღებს ბილის შემცვლელს, რომელიც საშუალოდ 17,7 ქულას, 4,1 მოხსნას, 4,1 გადაცემას და 1,1 ჩაჭრას აგროვებს, ხოლო ამ სეზონში პერიმეტრიდან 38,1 პროცენტით ესვრის. დინვიდის სახით ის ჯონ ვოლის (აქილევსის მყესის ხანგრძლივი ტრავმა) იდეალურ შემცვლელს იპოვის, ხოლო ჯარეტ ალენი ტომას ბრაიანტთან ერთად საკმაოდ ძლიერ წინახაზს შექმნის.

რამდენიმე პირველი რაუნდის პიკით, პლუს ვოლის, ჰაჩიმურას და ზემოთ ჩამოთვლილი სხვა მოთამაშეებით, ვიზარდსს შეუძლია საკმაოდ საინტერესო გუნდად ჩამოყალიბდეს.

უმაღლეს კლასთან ერთად, ბილი ლიგაში ერთ-ერთი ყველაზე გამძლე მოთამაშეა და ტრავმებს ფაქტობრივად არ იღებს. მისი ტამატებით ბრუკლინი ძალიან მძლავრ "BIG 3"-ს შეკრავს და შესაძლოა ჩემპიონობის მთავარ პრეტენდენტადაც იქცეს.

 

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 277,522 შემთხვევაა დაფიქსირებული, 7,403 პაციენტი გარდაიცვალა, ხოლო 12,283-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: Sports Illustrated: NBA-ში სეზონის განახლების ვარიანტებს განიხილავენ

 

 

 

#Flashscore