ქართული სპორტი / ქართული კალათბურთი /
“მას ყველა შეიყვარებს“ - ბითაძე ამერიკაში აქეს
04/05/2020 21:02
201
  • ქართველი კალათბურთელი შეაქეს
  • Trashtalk NBA ჩვენებურს ვრცელ პოსტს უძღვნის

Trashtalk NBA-მ შეწყვეტილი ჩემპიონატის გასული  ნაწილი განიხილა და ინდიანა პეისერსზე საუბრისას გოგა ბითაძეც გაიხსენეს. 

მიუხედავად იმისა, რომ ქართველ ცენტრს მცირე სათამაშო დრო ჰქონდა მისი ასპარეზობა მაინც განხილვის საგანი გახდა. 

ყველას გახსოვთ გოგას ფოტო, რომელმაც მსოფლიო მოიარა. მასზე ყველასგან მიტოვებული გოგა ბითაძეა აღბეჭდილი. მისგან მოშორებით მჯდომ ზაიონ უილიამსონს კი, მინიმუმ 50 ჟურნალისტი უსვამს კითხვას. 

რა თქმა უნდა ამას მიზეზი ჰქონდა. ზაიონი დრაფტის პირველი ნომერი იყო, ხოლო ბითაძე მე-18. გოგამ ნოემბერში ზედიზედ სამ შეხვედრაში 4-4 დაფარება დააგროვა, რაც ბევრ რამეზე მეტყველებს. 

მისი შესაძლებლობები ყველამ დაინახა, განსაკუთრებით, დაცვაში, სადაც არაერთი მეტოქე გაამწარა. მას ზაზა ფაჩულიასგან განსხვავებით შანსი აქვს, რომ  ნამდვილ ვარსკვლავადა და ქომაგებისთვის საყვარელ კალათბურთელად იქცეს“, - წერს გამოცემა. 

შეგახსენებთ, სანამ COVID 19-ი გამოჩნდებოდა ბითაძემ NBA-ში 49 მატჩი ჩაატარა. 

ასევე იხილეთ: ეფესი, რეალი და ვალენსია მოთამაშეებს ხელფასებს არ შეუმცირებენ

#Flashscore