ფეხბურთი / ბუნდესლიგა /
ჩემპიონატი აპრილში, მაქსიმუმ 239 ადამიანით - ბუნდესლიგის ახალი ინიციატივა
04/08/2020 11:03
291
  • ბუნდესლიგამ კლუბებს ახალი ვარიანტი შესთავაზა
  • თუ კლუბები დათანხმდებიან, სეზონი აპრილშივე განახლდება

გერმანული Bild-ის ინფორმაციით, ბუნდესლიგა, შესაძლოა, მაისში განახლდეს და 30 ივნისს დასრულდეს. თუმცა, პარალელურად, ბუნდესლიგამ კლუბებს უფრო ოპტიმისტური ვარიანტიც შესთავაზა, რომლის შემთხვევაშიც ჩემპიონატის ჩატარება აპრილშივეა შესაძლებელი.

პირველ რიგში, თამაშები გულშემატკივრის გარეშე გაიმართება. მატჩის დღეს სტადიონზე მყოფ ადამიანთა რაოდენობა კი 239-ს არ უნდა აჭარბებდეს. აქ შედიან: 4 მსაჯი, 40 ფეხბურთელი, სამწვრთნელო შტაბის 16 თანამშრომელი, 6 ექიმი, 5 ფოტოგრაფი, უსაფრთხოების 10 თანამშრომელი და ტელევიზიის 36 კადრი. ამასთანავე, სტადიონს გარედან 50 დაცვის თანამშრომელი დაიცავს.

ჯერჯერობით უცნობია, რა გადაწყვეტილებას მიიღებენ კლუბები.

შეგახსენებთ, რომ ამ მომენტისთვის გერმანიის ბუნდესლიგაში 25 ტურია ჩატარებული და სეზონის სრულად დასრულებამდე 9 ტურია დარჩენილი.

ასევე იხილეთ: რუმენიგე UEFA-ს პრეზიდენტს მხარს უჭერს

ტეგები:
#Flashscore