ფეხბურთი / პრემიერლიგა /
ფერდინანდმა ბარსელონაში არშემდგარ ტრანსფერზე ისაუბრა
04/09/2020 11:27
121
  • ფერდინანდი გადაბირება ბარსელონას სურდა
  • ინგლისელმა მცველმა "წითელი ეშმაკების" დატოვებაზე უარი თქვა

მანჩესტერ იუნაიტედის ლეგენდარულმა ფეხბურთელმა, რიო ფერდინანდმა ბარსელონაში არშემდგარი ტრანსფერი გაიხსენა. რიოს თქმით, 2008 წელს ის ბარსელონაში გადასვლასთან საკმაოდ ახლოს იყო. ინგლისელ მცველს ქვეყნის საზღვრებს გარეთ თამაში ყოველთვის სურდა. მიუხედავად ამისა, იმდროინდელი "წითელი ეშმაკების" დატოვება, რომელიც ყველაფერს იგებდა, საკამოდ რთული იყო:

"ტრანსფერი საკმაოდ რეალური იყო. ჩემს აგენტთან არაერთი საუბარი მქონდა.

რაიკარდსაც ვესაუბრე. ეს ბარსელონასთან თამაშის შემდეგ, გასახდელისკენ მიმავალ გვირაბში დერეფანში მოხდა.

ყოველთვის მქონდა სურვილი, რომ სხვა ქვეყნის ჩემპიონატში მეთამაშა. მიუხედავად ამისა, ვთვლი, რომ საკმაოდ იღბლიანი ვიყავი, რადგან ისეთ დიდ გუნდში ვთამაშობდი, როგორიც მანჩესტერ იუნაიტედია. ასეთი კლუბის დატოვება თითქმის წარმოუდგენელი ჩანდა", - განაცხადა ფერდინანდმა.

რიო ფერდინანდი მანჩესტერ იუნაიტედში 2002 წლის ზაფხულში, ლიდსიდან, იმ დროისთვის მცველისათვის სარეკორდო, 46 მილიონი ევროს სანაცვლოდ გადავიდა. "წითელი ეშმაკების" მაისურით ჩატარებულ 455 შეხვედრაში, მან 8 გოლის გატანა მოახერხა. ინგლისელმა მცველმა მანჩესტერულ გრანდთან ერთად, ექვსჯერ პრემიერ ლიგის, ჩემპიონთა ლიგის, ინგლისის ასოციაციისა და ინგლისის ლიგის თასების მოგება მოახერხა.

 

ასევე იხილეთ: "სერ ალექს ფერგიუსონს უარი ვუთხარი, რადგან ვესტ ჰემს ვერ გავწირავდი"

#Flashscore