• EFL-ს წერილი პრემიერ ლიგის კლუბებს
• სეზონის დასრულებას 56 დღე დასჭირდება

ინგლისის საფეხბურთო ლიგის (EFL) თავმჯდომარემ, რიკ პერიმ ინგლისურ კლუბებს წერილობით მიმართა.

Sky Sports-ის ცნობით, ბრიტანელი ფუნქციონერი ჩემპიონატის წევრებს აცნობებს, რომ ხელმძღვანელობა 2019/20 წლების სეზონის დასრულებას ზაფხულში აპირებს, როდესაც ქვეყანაში ვითარება უსაფრთხო გახდება.

ამასთან, სეზონის დარჩენილი ნაწილის ჩასატარებლად კლუბებს 56 დღე მიეცემათ, ხოლო ყველა მატჩი დახურულ კარს მიღმა, უმაყურებლოდ უნდა გაიმართოს.

ასევე, ცნობილი გახდა, რომ კლუბებს სეზონის განახლებამდე მოსამზადებელი პერიოდისათვის შეკრების დაწყება მხოლოდ 16 მაისის შემდეგ შეეძლებათ. 

The English Football League says it will need 56 days to complete its 2019-20 season and has advised clubs that matches are likely to resume behind closed doors.

— Sky Sports (@SkySports) April 9, 2020

შეგახსენებთ, რომ კორონავირუსის პანდემიის გამო ინგლისის საფეხბურთო ლიგები გაურკვეველი ვადით არის შეჩერებული. 

გაერთიანებულ სამეფოში კორონავირუსით დაინფიცირების 65 ათასზე მეტი ფაქტია დადასტურებული, საიდანაც 8 ათასამდე შემთხვევა ლეტალურად დასრულდა. 

ასევე იხილეთ: როდის შეუერთდება ზიეჩი ჩელსის?