ფეხბურთი / ჩემპიონთა ლიგა /
მოთამაშეები, პოზიციები და სტილი - რომლებიც ფეხბურთში მალე გაქრება
04/28/2020 15:12
1031

თანამედროვე ფეხბურთის ტენდენცია, სრული მრავალფეროვნებაა. მოთამაშეებმა მიაღწიეს პირველადი უნარების ზღვარს, ახლა უკვე ფარული რეზერვების ჯერია, თავდამსხმელმა დაცვა უნდა ისწავლოს, მცველმა კი შეტევა.

დრო ტალღას ჰგავს - ყოველი ახალი ტალღით, ძველი უფსკრულში ჩადის, სანამ მთელი სანაპირო არ დაიტბორება. ძველ ფეხბურთს ჯერ კიდევ "წარსული სკოლის ლამპრები" ეხმიანებიან, მაგრამ აწმყო მათ თანდათან განდევნის.

მსოფლიო ფეხბურთს სუპერ კლუბები და სუპერვარსკვლავები მართავენ, ისინი ყველას მოდის ტენდენციებს კარნახობენ. მაგრამ არიან ისეთებიც, რომლებიც ან მზად არ არიან რამის შესაცვლელად, ან უბრალოდ არ სურთ ამის გაკეთება და აგრძელებს იმავე "რელსებზე" დგომას.

მაგრამ ყველამ უნდა აღიაროს, რომ დრო მხოლოდ ერთი მიმართულებით მიდის - წინ და ყველას არ შეუძლია მას ფეხი აუწყოს. ამ ბლოგში სწორედ იმ პოზიციებს და მოთამაშეებს გაგაცნობთ, რომლებიც "გადაშენების" ზღვარზე არიან.

 

კლასიკური 10 ნომრები

Unai Emery Confirms Reason for Mesut Ozil's Absence Against ...

წარმომადგენლები: მესუთ იოზილი, ხამეს როდრიგესი, დავიდ სილვა

რომაელების მსგავსად, რომლებსაც არ სჯერათ, რომ მათი ათასწლოვანი იმპერიული ლევიათანი მოკვდა, ასევე მეოცე საუკუნის რომანტიკოსებს არ სჯერათ, რომ კლასიკური ათიანები თამაშის წარმართვას ვეღარ მოახერხებენ და ნელ-ნელა გაქრებიან.

უთხარით ეს პლატინის,ზიკოს, მარადონას და ზიდანის თამაშებზე გაზრდილ თაობას. სწორედ ისინი იყვნენ ყველაზე შემოქმედებითი, მიმზიდველი, თავისუფალი, ესთეტიკური ფეხბურთის შემქმნელები, მათ ჰქონდათ ყველაზე დიდი შანსი, რომ კერპებად ქცეულიყვნენ.

ფლეიმექერები, დისპეტჩერები, თავდასხმის არქიტექტორები, თავისუფალი მხატვრები, მათ "აიღეს ფუნჯი" ბურთის სახით და "გაზონის ტილოზე" ულამაზეს "ნახატებს" ხატავდნენ.

ამისათვის მათ ყველაფერს აპატიებდნენ, რეჟიმის არ დაცვას, ნარკოტიკებს, თაღლითობას, სკანდალებს. თავდაცვითი მხარე? რა იდიოტიზმია, შედევრების შემქმნელები არ მუშაობენ.

თუმცა მოვიდა ახალი, მკაცრი რეჟიმი, ნარკოტიკები გაქრა, ერთი ნათელი თავი რამდენიმე გახდა, ათლეტურობამ ძალიან ბევრი გადაწყვიტა და ტოტალური უნივერსალიზმი დაიბადა.

არ აქვს მნიშვნელობა როგორი ბრწყინვალე "პასების ოსტატი" ხარ დღეს, კეთილი ინებე და დაცვას დაეხმარე, რადგან მოწინააღმდეგე გუნდის ნახევარდაცვაში ყველა ამას აკეთებს. თუ შენ ამას არ აკეთებ, უკვე გუნდის მინუსად ითვლები და ასეთი ფეხბურთელის ყოლა დღეს აღარავის უნდა.

აქედან გამოსავალი მხოლოდ ერთია - ადაპტირება. ყველაზე კარგი მაგალითი - მოდრიჩი, რომელიც მშვენიერი ფლეიმეიქერი იყო. ხორვატმა შეძლო და თანამედროვე ტენდენციებს შესანიშნავად მოერგო, სწორედ ამიტომაც ის ოქროს ბურთის მფლობელი გახდა.

 

მაღალი მოუხეშავი ფორვარდები

Tottenham news: Star to leave on a free transfer despite superb ...

წარმომადგენლები: ბას დოსტი, ფერნანდო ლორენტე, ენდი კეროლი

თავდამსხმელი, რომელსაც მხოლოდ თავით თამაში შეუძლია, ჰგავს თანამშრომელს, რომელსაც მხოლოდ თვეში ერთხელ გადამწვარი ნათურის გამოცვლა უწევს და მეტი არაფერი.

ფეხბურთს ფეხებით თამაშობენ, ის უფრო გართულდა, შეგიძლიათ მეორე სართულზე თამაში? კარგია, მაგრამ მთავარია უპირველესად პირველზე ყველაფერი რიგზე გქონდეს.

აქ მომავლის წინასწარმეტყველებაც არ არის საჭირო, ის უკვე დადგა. სამი ყველაზე პერსპექტიული ფორვარდი 190 სმ-ზე მეტია: ტემი აბრაჰამი, მარკუს ტურამი, ერლინგ ჰოლანდი ... ჰოლანდი? ჰალანდი?! თითოეული მათგანი უნივერსალია, სწრაფი, ზომიერად ტექნიკური და კოორდინირებული. ისინი ყველას აჩვენებენ, რომ შესაძლოა მაღალი იყო, მაგრამ ეს მხოლოდ თავით კარგად თამაშს არ გულისხმობს.

 

კლასიკური ვინგერები

Jesus Navas says Manchester City can win the Premier League ...

წარმომადგენლები: ხესუს ნავასი, აარონ ლენონი, ლუკას ვასკესი

ადრე ყველაფერი უბრალო იყო: მარცხენა ფლანგზე ძლიერი მარცხენა ფეხი უნდა გქონოდა, მარჯვენაზე მარჯვენა კიდური. ამოცანა ასეთია, ფლანგზე უკან ჩასვლა და დაცვის დახმარება, შემდეგ წინ გაქცევა და შეტევაში დახმარება.

მათგან ბევრს არაფერს ითხოვენ, მთავარია ზონა დაიხუროს, არ სჭირდებათ გოლების გატანა, ეს ფორვარდის საქმეა. გარინჩამ ამ პოზიციაზე სრულყოფილებას მიაღწია, ამ ტიპის ფეხბურთელებს ლეგენდარული ბრაზილიელის დონეზე თამაში სანატრელი აქვთ.

შემდეგ დიდი ცვლილებები მოხდა და "ცალფეხა" ფეხბურთელები ყველასთვის ზედმეტი გახდა. მემარცხენეებმა მარჯვნივ თამაში დაიწყეს, მემარჯვენეებმა პირიქით, გამოჩნდა ინვერსიული ფრთები, რომელებმაც ოცდამეერთე საუკუნის ფეხბურთში მთავარი როლის შესრულება დაიწყეს.

 

ფეხით ცუდად მოთამაშე მეკარეები

Norwich City news - Canaries should win the race for Joe Hart

წარმომადგენლები: ჯიჯი ბუფონი, ჯო ჰარტი, ტიბო კურტუა

თითქმის ასი წლის განმავლობაში, მეკარე იყო გმირი, კედელი, ნახევარი გუნდი, ზოგჯერ კიდევ უფრო მეტი. ოცდაათი წლის წინ ეს განსაკუთრებით აშკარა იყო, მცველმა გადაცემა უკან გააკეთა, მეკარემ ბურთი ხელში აიღო, ყველანაირი უსაფრთხოება აღდგა.

სისულელეა არ გამოიყენო ეს შესაძლებლობა, ასეთ სიტუაციაში ფეხის თამაში აშკარად ირაციონალური გადაწყვეტილება იქნებოდა.

შემდეგ შემოიღეს წესი, რომელიც მეკარისთვის გუნდელის მიერ გაკეთებული გადაცემის შემდეგ ბურთის ხელში აღებას კრძალავს. ყველაზე ტექნიკურმა გუნდებმა დაცვაში პასების თამაში დაიწყეს, თუმცა მაღალმა პრესინგმა და ხალხის მაქსიმალურად გადაკეტვამ ეს შესაძლებლობა შეამცირა.

სწორედ ამ დროს გახდა საჭირო ფეხით კარგად მოთამაშე მეკარეების გამოყენება, რომელიც ბურთის გათამაშებისას დამატებითი მინდვრის მოთამაშის როლს ასრულებს და პრესინგის დროს მეტობას ქმნის. უმიზნო მოგერიებები თავიდან მოკლე, მაგრამ ზუსტმა გადაცემებმა შეცვალა, ხოლო თანდათან ეს იხვეწება და მეკარეები ფეხით თამაშს კიდევ უფრო ხვეწენ.

ვეტერანებს ამის სწავლა ძალიან უჭირთ, თუმცა ახალგაზრდებში აშკარად შეინიშნება ტენდენცია, რომ ფეხით კარგად მოთამაშე მეკარეზე მოთხოვნა ბევრად დიდია.

 

მხოლოდ ტექნიკაზე დამოკიდებულები

Hachim Mastour's demise complete as YouTube sensation released by ...

YouTube-ის ახალგაზრდა გმირები, რომლებიც ახალგაზრდა ასაკიდანვე მომავალ ვარსკვლავებად მოიზრდებიან, მაგრამ ზრდასრულთა ფეხბურთი მათ სწრაფად ალყაში აქცევს.

ცუდი ტექნიკის მქონე სპორტსმენობა, რომელსაც კარგი ფიზიკური მომზადება აქვს, ბევრად შესაძლებელია, ვიდრე საოცარი ტექნიკური არსენალის ქონა, ათლეტურობის გარეშე.

 

მოახლოებულია დრო, როცა კალათბურთში კლასიკური პოზიციები აღარ იარსებებს და ყველას უმეტეს პოზიციაზე თამაში შეეძლება. დაახლოებით იგივე ტენდენცია დაიწყო ფეხბურთშიც, ვნახოთ სადამდე მივა მსოფლიოს ყველაზე პოპულარული სპორტის სახეობა.

 

ასევე იხილეთ: "მათ გადაწყვეტილებას პატივს ვცემ, მაგრამ ჩვენ ჩემპიონთა ლიგაზე ვთამაშობთ"

#Flashscore