ქართული სპორტი / ქართული ფეხბურთი /
ესპანური მედია: "სარაგოსა პანათინაიკოსის წინადადებას ელის"
05/07/2020 19:28
188
  • პაპუნაშვილი მთავარი მწვრთნელის გეგმებში არ შედის
    კარიერის საბერძნეთში გაგრძელება თავად ქართველსაც სურს

ესპანურმა გამოცემა eldesmarque.com-მა გიორგი პაპუნაშვილის მომავალს სტატია მიუძღვნა. გამოცემა წერს, რომ სარაგოსა უკვე შემდეგ სეზონზე ფიქრობს და სჯერა, რომ ახალი წლიდან ლა ლიგაში ითამაშებს.

ახალ სეზონში კლუბის გეგმებში ქართველი შემტევი არ შედის. პაპუნაშვილს კარიერის გაგრძელების კარგი ვარიანტი აქვს - მისით პანათინაიკოსი დაინტერესდა.

გამოცემის ცნობით, ქართველი ფეხბურთელი თანახმაა პანათინაიკოსის მაისური მოირგოს. ეს სარაგოსათვისაც საინტერესოა, რადგან პაპუნაშვილი მთავარი მწვრთნელის გეგმებში არ შედის, ესპანური კლუბი კი ბერძნების შეთავაზებას ელის, რასაც, დიდი ალბათობით, დათანხმდება.

შეგახსენებთ, რომ ზამთარში პაპუნაშვილი იჯარის წესით რასინგს შეუერთდა.

ასევე იხილეთ: პანათინაიკოსი პაპუნაშვილს მიუბრუნდა | სარაგოსა ქართველს უშვებს

#Flashscore