ჩოგბურთი / ATP /
ფედერერი ქველმოქმედებას განაგრძობს
05/07/2020 20:28
235
  • ფედერერის ფონდი ამჯერად აფრიკას დაეხმარა
  • მილიონი დოლარი 64 000 ბავშვს 

როჯერ ფედერერის საქველმოქმედო ფონდმა, კორონავირუსის პანდემიის პერიოდში, აფრიკაში გაჭირვებული ოჯახებისთვის ერთი მილიონი აშშ დოლარი გამოყო, რომელიც დაახლოებით 64 ათასი ბავშვისთვის საკვები პროდუქტებით მომარაგებას მოხმარდება.

2003 წლიდან ფედერერის ფონდი აფრიკის რეგიონის განვითარებაზე ზრუნავს და ადგილობრივ ბავშვებს განათლების მიღებაში ეხმარება. 2010 წლიდან შვეიცარიელი ჩოგბურთელი ქველმოქმედების ფარგლებში საგამოფენო მატჩებს აწყობს, რომელშიც მონაწილეობას ჩოგბურთის ვარსკვლავები და ბილ გეიტსი იღებენ. 

2019 წლის ნოემბერში როჯერმა ფონდში 10 მილიონი დოლარი გადარიცხა, რომელიც წინასასეზონო მომზადების დროს, სამხრეთ ამერიკაში გამართული საგამოფენო მატჩებისას შეგროვდა. 

შეგახსენებთ, რომ მიმდინარე წლის მარტის მიწურულს, დიდი მუზარადების 20-გზის გამარჯვებულმა საკუთარი ანგარიშიდან შვეიცარიაში, კორონავირუსით გამოწვეული კრიზისის გამო გაჭირვებულ ოჯახებს ერთი მილიონი შვეიცარიული ფრანკი (დაახლოებით 945 ათასი ევრო) გამოუყო.

 

ასევე იხილეთ: ფედერერმა დაუცველი ოჯახებისთვის მილიონი ფრანკი გაიღო

 

 

#Flashscore