პარიზის გრანდ სლემის ბოლო დღეს საქართველოს სახელით ხუთმა ძიუდოისტმა იასპარეზა, თუმცა მედალი მხოლოდ ვარლამ ლიპარტელიანმა მოიპოვა.

-100 კგ. წონით კატეგორიაში ქართველი სპორტსმენი ფინალში გავიდა, სადაც იაპონიის წარმომადგენელი აარონ ვოლფი ვაზარით დაამარცხა. ვარლამ ლიპარტელიანმა პარიზის გრანდ სლემზე ზედიზედ მეშვიდე მედლის მოპოვება მოახერხა.

ლიპარტელიანმა ასპარეზობა მეორე წრიდან, ტაილანდელი ვეი პუიანგის დამარცხებით დაიწყო, მერვედფინალში კი ბულგარელ დანიელ დიჩევს აჯობა. მეოთხედფინალში საქართველოს ნაკრების კაპიტანმა მასპინძელი ალექსანდრე იდირი დაამარცხა, ხოლო ნახევარფინალში ლიპარტელიანმა მსოფლიოს მოქმედ ჩემპიონს, კორეელ გუჰამ ჩოს იპონით სძლია და წლის პირველ გრანდ სლემზე საქართველოს ნაკრებს ოქროს მედალი მოუტანა.

პარიზის გრანდ სლემზე საქართველოს ნაკრებმა 11 სპორტსმენით იასპარეზა და 4 მედალი მოიპოვა. ტურნირის პირველ დღეს თეიმურაზ ნოზაძემ (-60 კგ.) და ლაშა შავდათუაშვილმა (-73 კგ.) ბრინჯაოს მედლები მოიპოვეს, ვაჟა მარგველაშვილი (-66 კგ.) კი ფინალი დათმო და ვერხლის მედალი აიღო.

ვარლამ ლიპარტელიანის ოქრო პარიზის გრანდ სლემზე (ვიდეო)

უახლესი ამბები