ფეხბურთი / პრემიერლიგა /
ზუსტად 8 წლის წინ, აგუერომ საჩემპიონო გოლი გაიტანა
05/13/2020 20:23
102
Loading the player...

2011-12 წლების სეზონი პრემიერ ლიგის ისტორიაში, ერთ-ერთი ყველაზე დრამატული სეზონია.

ჩემპიონობისთვის მანჩესტერული კლუბები, სერ ალექს ფერგიუსონის იუნაიტედი და რობერტო მანჩინის სიტი იბრძოდნენ.

გუნდებს თანაბარი ქულები ჰქონდათ და ბურთების უკეთესი თანაფარდობის გამო, უპირატესობა "ქალაქელებს" ენიჭებოდათ.

"წითელმა ეშმაკებმა" უეინ რუნის გოლით სტუმრად სანდერლენდი დაამარცხეს და ერთი შეხედვით, თითქოს მათ მორიგ ტიტულს საფრთხე აღარ უნდა დამუქრებოდა, რადგან მათი თანაქალაქელები "ეტიჰადზე" აუტსაიდერ ქუინზ პარკ რეინჯერსს ვერ ამარცხებდნენ. 

92-ე წუთზე ედინ ჯეკომ ანგარიში გაათანაბრა, ხოლო 94-ე წუთზე კი, სერხიო აგუერომ წაქცეული მარიო ბალოტელის საგოლე გადაცემა გამოიყენა და თავის გუნდს ნანატრი ჩემპიონობაც მოუტანა. აღსანიშნავია, რომ იტალიელმა შემტევმა პრემიერ ლიგის იმ სეზონში, ერთადერთი საგოლე გადაცემა მიითვალა. 

 

ასევე იხილეთ: მანსურმა სიტი ინგლისური გრანდისგან მიღებული უარის შემდეგ შეიძინა

#Flashscore