ჩოგბურთი / /
ბასილაშვილი ივნისში ითამაშებს | კორონავირუსის დროს ახალი ტურნირი დაიგეგმა
05/14/2020 16:42
164
  • სერბი ჩოგბურთელი აღმოსავლეთ ევროპის ჩემპიონატს აანონსებს
  • ბასილაშვილი მონაწილეობაზე თანახმაა

კორონავირუსის პანდემიის გამო სხვა სპორტის სახეობების მსგავსად შეჩერებულია ჩოგბურთიც, თუმცა ივნისის შუა რიცხვებში ჩოგბურთში ახალი ტურნირის დაწყება იგეგმება.

მისი ორგანიზატორი სერბი ჩოგბურთელი იანკო ტიპსარევიჩია, რომელმაც პროფესიონალური კარიერა გასულ წელს დაასრულა.

ე.წ აღმოსავლეთ ევროპის ჩემპიონატი ბელგრადში უნდა გაიმართოს, ტიპსარევიჩის აკადემიის კორტებზე. მასში მონაწილეობას საქართველოს პირველი ჩოგანი ნიკოლოზ ბასილაშვილიც მიიღებს. შესაბამისი პოსტი სერბმა სოციალურ ქსელში გამოაქვეყნა.

ტურნირის რეგლამენტი ჯერჯერობით უცნობია, მაგრამ ე.წ აღმოსავლეთ ევროპის ჩემპიონატი 15 ივნისს უნდა დაიწყოს.

ასევე იხილეთ: ბასილაშვილმა ოლიმპიადა გაინაღდა 

#Flashscore