ჩოგბურთი / ATP /
ლეკონტი: "ფედერერი ჯეიმს ბონდივით არის"
05/14/2020 21:52
155
  • ყოფილმა ჩოგბურთელმა ფედერერი ჯეიმს ბონდს შეადარა
  • "ფედერერი უნიკალური ჩოგბურთელია"

ყოფილმა მეხუთე ჩოგანმა და 1988 წლის როლან გაროსის ფინალისტმა, ანრი ლეკონტმა როჯერ ფედერერის მიერ, საფრანგეთის ღია პირველობაზე მიღწეული წარმატების მნიშვნელობაზე ისაუბრა. 

"როლან გაროსზე გამარჯვებამ ის უნიკალურ მოთამაშედ აქცია, რადგან ეს იყო ერთადერთი ტურნირი, რომელიც მას ჯერ მოგებული არ ჰქონდა. მისთვის ეს წარმატება ძალიან მნიშვნელოვანი იყო, რადგან ისეთ ჩოგბურთელებს, როგორებიც მაკინროი და კონორსი არიან, ეს ტურნირი არასოდეს მოუგიათ, ფედერერმა კი ამ გამარჯვებით სხვა განზომილებაში გადაინაცვლა. 

მე როჯერ ფედერერს ჯეიმს ბონდს ვეძახი, რადგან მას წარმოუდგენლი რაღაცების გაკეთება შეუძლია. არავინ მოელოდა, რომ ამ ასაკში ავსტრალიის ღია პირველობას მოიგებდა, მაგრამ მან ეს შეძლო. დიდი იმედი მაქვს, ის ისტორიის წერას გააგრძელებს და კიდევ ერთხელ მოახერხებს დიდი მუზარადის ტურნირის მოგებას", - განაცხადა ლეკონტმა.

შეგახსენებთ, რომ როჯერ ფედერერს როლან გაროსი კარიერაში მხოლოდ ერთხელ, 2009 წელს აქვს მოგებული. ავსტრალიის ღია პირველობის ტრიუმფატორი კი 2018 წელს, 36 წლის ასაკში გახდა.

 

ასევე იხილეთ: ანდრეესკუმ 2019 წელი გაიხსენა

 

 

#Flashscore