ჩოგბურთი / WTA /
ბუშართან პაემანი გსურთ? გადაიხადეთ!
05/18/2020 10:52
1248
  • ეჟენი ბუშარმა საქველმოქმედო აქცია წამოიწყო
  • მასთან პაემანი ფასიანია

ცნობილი მოდელი და ჩოგბურთელი, ეჟენი ბუშარი აცხადებს, რომ მას სურს საქველმოქმედო აქცია წამოიწყოს, რომლის ფარგლებშიც, მსურველებს მასთან პაემანზე წავსვლა შეეძლებათ.

ბუშართან პაემანზე წასვლის მსურველთა რიცხვი სავარაუდოდ საკმაოდ დიდია. მიზნის მისაღწევად კი საჭირო თანხის გადახდაა, რომლის საწყისი ოდენობა $2,500 გახლდათ, ხოლო მაქსიმალური $85,000.

სოციალურ ქსელში ბუშარის მიერ გაკეთბული განცხადებიდან ირკვევა, რომ მან სასურველი თანხა უკვე მოაგროვა, რადგან ჩოგბურთელის თქმით, გამარჯვებულთან შეხვედრას მოუთმენლად ელის.

ირკვევა, რომ შემომწირველი ბუშართან პაემანზე წასვლასთან ერთად, სხვა ჯილდოსაც მიიღებს. მას შეეძლება, სურვილისამებრ ნებისმიერ დიდი სლემის ტურნირზე ადგილი ეჟენის "ბოქსში" დაიკავოს და მატჩს თვალი მიადევნოს.

შეგახსენებთ, რომ ბუშარმა მსგავსი სახის აქცია 2017 წელსაც წამოიწყო. მიზანი კი როგორც მაშინ, ასევე ახლაც უცვლელია. მიღებული თანხით ამერიკაში გაჭირვებულ და მიუსაფარ ბავშვებს საკვები პროდუქტებით დაეხმარებიან.

"ძალიან ბედნიერი ვარ, როცა ადამიანებს ვეხმარები. მადლობა ყველას, ვინც ამ საქველმოქმედო აქციაში მონაწილეობას იღებთ. თქვენ არაჩვეულებრივები ხართ და მჯერა, რომ ამის კეთებას მომავალშიც არ შეწყვეტთ", – ამბობს ეჟენი ბუშარი.

მართალია, საჩოგბურთო კარიერაში ის აშკარა რეგრესს განიცდის, თუმცა როგორც ჩანს, მას ეს დიდად არ ანაღვლებს, რადგან პარალელურად ის მოდელიც გახლავთ, რის გამოც ხშირად სხვადასხვა სარეკლამო რგოლში იღებენ და ჟურნალების გარეკანზეც ხვდება. ამის გამო კი ის კორტზე ნაკლებ დროს ატარებს.

ბუშარი ყურადღების ცენტრში რამდენიმე თვის წინაც მოექცა, როცა სოციალურ ქსელში დაწერა, რომ კარანტინის გამო, ძალიან მოიწყინა და მეგობარ ბიჭთან ერთად დროის გატარება გაცილებით უკეთესი იქნებოდა. WTA–ის რეიტინგში მისი მაქსიმუმი მეხუთე ადგილი გახლდათ, ამჟამად კი 332-ე პოზიციას იკავებს.

ასევე იხილეთ: ანდრეესკუმ 2019 წელი გაიხსენა

#Flashscore